Isaias 31:2 - Maung A Balita Biblia

² Amta na Katawan so gagawaen to! Mangyaakar na deral. Susumpalen to so sinalita to a dusaen iray maoges a totoo tan saray mangyaagel ed sikara.

Maung a Balita Biblia

² Amta na Katawan so gagawaen to! Mangyaakar na deral. Susumpalen to so sinalita to a dusaen iray maoges a totoo tan saray mangyaagel ed sikara.

Isaias 31:2 Referans Kwoze

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Judas 1:25

diad saksakey a Dios a Manangilaban tayo diad panamegley nen Jesu-Cristo a Katawan tayo, so kawalaan komuy kagalangan, katageyan, pakayari, tan pakaoley, manlapud gapoy gapo, natan, tan anggad angga! Amen.

Saray Taga Roma 16:27

Nagalang komun ed ando lan ando, diad panamegley nen Jesu-Cristo, so bukor toy makabat a Dios! Amen.

Mateo 24:35

Naandipat so tawen tan dalin, balet ag balut naandipat iray salitak.”

Sofonias 3:8

“Alagar yo ak sirin,” kuay Katawan. “Alagar yoy agew ya akusaen ko ray bansa. Tinibokel ko lad kanunotan ko a tiponen iray bansa tan saray nanarian, pian ipaliknak ed sikara so biskeg na pasnuk ko. Natemek ed apoy na pasnuk ko so intiron mundo.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Jeremias 10:12

Pinalsa na Katawan so dalin diad panamegley pakayari to; diad panamegley na kakabatan to pinalsa na Dios so mundo tan impanat toy katawenan.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Ezekiel 29:6

Diad santan nakabatan na amin da ray Egipsio a siak so Katawan.” Say Katawan kuanto, “Saray Israelita et nanmatalek irad sikayod tulong yon Egipsio, balet singa kayo labat sakey a lopuk a bastun.

Jeremias 36:32

Insan angala ak na sananey a nilokut a pansulatan tan inter kod sikritariok a si Baruc. Insulat ed satan nen Baruc iray amin ya indiktak. Insulat ton amin iray logan na samay nilokut a babasaen a pinoolan nen Ari Joakim tan saray salita a miparpara ed saramay indiktak ed sikato.

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Isaias 32:6

Andi-kakanaan so sasalitaen na makulang-kulang tan maoges so nununoten ton gawaen. Panamabaing ed Katawan iray gagawaen tan sasalitaen to, tan ag ton balut iitdan na kakanen iray narasan o iitdan na inomen iray napgaan.

Isaias 31:3

Aliwan Dios iray taga Egipto—totoo ra labat. Aliwan makapanyari iray kabayo ra. No onggalaw so Katawan, natumba so mabiskeg a bansa tan say tinulongan ton makapoy a bansa. Naderal iran dua.

Isaias 30:3

Balet anggapoy pakayari na ari ya ontulong ed sikara, tan saray panangyagel na Egipto et mansumpal ed kaderal da.

Isaias 28:21

Mibakal so Katawan a singa ginawa tod Palandey na Perazim tan diad patar na Gabaon, pian nasumpal toy ginetma ton gawaen—anggaman a singa nidoman tuloy so gagawaen to. Sigput a sumpalen toy makapakelaw a kimey to.

Isaias 22:14

Say Katawan a Makapanyarin-amin a Dios a dili et akisalitad siak tan inkuanto, “Legan dan mambilay, ag balut napirdona yan kaogsan a ginawa ra. Siak, say Katawan a Makapanyarin-amin a Dios, so nansalita.”

1 Samuel 2:3

Itonda yo lay makmaknul a panagpasirayew yo; ag ki la mampapasirayew ed saray panagsalita yo. Ta say Katawan et sakey a Dios a makapikabat ed amin, tan sintinsiaan toy amin a gawgawa na katoowan.

Josue 23:15

Balet no panoy impanumpal tod amin ya insipan tod sikayo, ontan met so gawaen tod amin ya impasakbay tod sikayo.

Saray Bilang 10:35

Kapag ompikal imay Kaban na Sipanan, ikuanen Moises, “Alagey ka pa, Katawan; itaytayak mo pa ray kalaban mo tan pabatik mo ray mamobosul ed sika.”

Isaias 1:4

Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 14:20

Nipompon ka ya aliwan singa saray arum ya arari, lapud dineral moy bansam tan pinapatey mo ray dilin totoom. Napatey ya amin iray maoges a kabyangay pamilyam.

Isaias 28:29

Amin ira yan kakabatan et nanlapud Katawan a Makapanyarin-amin. Saray plano na Dios et napno ra na kakabatan, tan aligwas lawas so pansumpalan da.

Say Libro nen Job 12:16

Mabiskeg so Dios tan lawas manatalo; walad silong na pakaoley to iray managpalikdo tan saray napapalikdo.

Isaias 21:17

Dagdaiset so natilak a mabilay ed saray masesebeg a pumapana na Kedar. Siak, say Katawan a Dios na Israel, so nansalita.”

Isaias 30:7

Andikakanaan a tulong so iter na Egipto. Lapud saya pinangaranan koy Egipto na ‘Say Maamon Dragon.’”