Isaias 30:33 - Maung A Balita Biblia

³³ Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Maung a Balita Biblia

³³ Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Isaias 30:33 Referans Kwoze

2 Saray Arari 23:10

Ginawa met nen Ari Josias ya andi-kabaliksan so Tofet, say pasen na panangigalangan na saray pagano diad Patar na Hinom, pian anggapo lay makapangisaklang ed dios a Molec na anak ton laki o bii.

Jeremias 19:6

Kanyan sirin, onsabiy panaon a sayan pasen et ag la natawag na Tofet odino Patar na Hinom. Ingen natawag a Patar na Panagpateyan.

Genesis 19:24

Kabebekta say Katawan pinaoran toy manliub ya asupri ed saray siudad na Sodoma tan Gomorra,

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

Saray Hebreo 13:8

Si Jesu-Cristo sikato met lamlamang karuman, natan, tan anggad angga.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Mateo 4:22

Tinaynan dan tampol so ama ra tan say baloto, ta akila rad kinen Jesus.

Judas 1:4

Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

Isaias 37:38

Aminsan ya agew, nen mangigagalang si Senakerib ed dalem na timplo na dios ton Nisroc, pinatey na duara ed saray anak ton lalaki a di Adramelec tan Sarezer, diad panamegley na ispada, insan batik irad dalin na Ararat. Sakey ed saray anak to a si Esarhadon so sinmalat ed sikaton nanoley.

Say Libro nen Job 4:9

Say Dios diad pasnuk to singa bagyon manderal ed sikara.

Isaias 10:17

Say Dios a silew na Israel et magmaliw a sakey ya apoy. Say masanton Dios na Israel et magmaliw a manliub ya apoy a diad sanagew et poolan toy amin a bengatla, anggan saray masabit a karikaan.

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

Isaias 31:9

Ombatik ed takot so ari ra, tan diad gaway kataktakot na saray opisyal, ibatikan da ray bandira rad bakal.” Say Katawan so nansalita—say Katawan a nagagalang ed Jerusalem tan diman mandarlang so apoy to a pampopool ed saray bagat.

Isaias 34:9

Magmaliw ya alkitran iray ilog na Edom, tan magmaliw ya asupri so dalin. Napoolan a singa alkitran so intiron bansa.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Jeremias 4:4

Toor yoy impisipanan yod siak a Katawan yo, tan isaklang yoy sikayon dili ed siak, sikayo ran totood Juda tan Jerusalem. No ag yo tooren, ondalang a singa apoy so pasnuk ko, lapud saray kaogsan a ginawa yo. Ondalang, et anggapoy makaerep.”

Ezekiel 21:31

Nalikna yo so sulit na pasnuk ko no singa apoy ya idapok ed sikayo. Insan ipalima ta kayod saray maruksan totoo a marunong iran manderal.

Daniel 7:10

tan panlalapwan na managagos ya apoy. Libo-libon totooy wadman a manlilingkur ed sikato, tan manalalagey ed arap to iray milyon a totoo. Ginmapo la so bista, tan alokasan iray libro.

Deuteronomio 4:24

lapud maimon tan singa manliub ya apoy so Katawan a Dios yo.

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.