Isaias 30:32 - Maung A Balita Biblia

³² Legan a say Katawan et kakabilen to ya andi-tonda iray taga Asiria, andi-tonda met so panogtog na saray totoo na saray tambol tan saray arpa. Say dilin Katawan so onlaban ed saray taga Asiria.

Maung a Balita Biblia

³² Legan a say Katawan et kakabilen to ya andi-tonda iray taga Asiria, andi-tonda met so panogtog na saray totoo na saray tambol tan saray arpa. Say dilin Katawan so onlaban ed saray taga Asiria.

Isaias 30:32 Referans Kwoze

Isaias 11:15

Say Katawan paekatan toy Dayat na Suez tan mangyakar na ampetapetang a mabiskeg a dagem a mamaekat na Ilog na Eufrates; pitoran ankekelag a kolus labat so nakeraan, kanyan nayarin manakar ya ombaliw so siopaman.

Isaias 19:16

Onsabiy panaon a magmaliw a singa mabaing a bibii iray Egipsio. Onggiwgiw irad takot no nanengneng dan akaonat a manusad sikara so taklay na Katawan a Makapanyarin-amin.

Isaias 2:19

Onamut iray totood saray ongib na kapokdulan odino diad saray abut ed dalem na dalin, pian napaliisan day pasnuk na Katawan tan niamutan day pakayari tan kagalangan to, no sikatoy onsabi a manyegyeg ed mundo.

Saray Hebreo 12:26

Diad saman a panaon, niyegyeg na bosis toy dalin, balet insipan to natan, “Maminsan nin yegyegen ko, tan aliwa labat a say dalin no ag pati say tawen.”

Ezekiel 32:10

Onkelaw iray amayamay a bansa lapud gawaen kod sika. No iwasiwas koy ispadak, onggiwgiw ed takot iray arari. Diad agew a katalom, onggiwgiw iran amin ed takot lapud pangyagel dad bilay da.”

Isaias 30:29

Balet sikayo ran totoo na Dios, manliket tan mankanta kayo a singa gagawaen yo no labi no masanton pista. Manliket kayon singa saray manaakar legan a totogtogen iray plauta diad pamapaarap dad Timplo na Katawan a manangyagel na Israel.

Isaias 24:8

tan tinmonda la ray maliket a togtog na saray arpa tan saray tamborin da.

Say Libro nen Job 16:12

Mambibilay ak nen saman ed kareenan, balet say Dios tinekmelan to ak ed beklew insan to ak imbabasig a pinairap. Ipapasen to ak a sakey a kekenaen,

1 Samuel 10:5

Insan ka onla ed Pokdul na Dios diad Gabaa a kawalaay sakey a kampo da ray Filisteo. Kaloob mod baley, naabet moy sakey ya olup na saray propita ya onleleksab iran nanlapu ed altar a walad toktok na pokdul. Manotogtog ira na saray arpa, tambul, plauta, tan saray saltirio. Mansayaw-sayaw tan maneeyag-eyag ira.

Genesis 31:27

Akin et pinalikdo mo ak diad inyalis mon ag ko amta? No imbagam labat komun ed siak, pinasiput ta kan walay liket, kansion, tan togtog na saray arpa tan pandirita.

1 Samuel 18:6

Nen ompawil si David, kayari ton pinatey si Goliat, tan onsesempet met la ray sondalo, inmabet ed kinen Saul iray bibiin nanlapud amin a baley na Israel. Nankakanta ray maliket a kansion, nansasayaw ira, tan nantotogtog iray tamborin tan saltirio.

Isaias 10:24

Say Katawan a Dios a Makapanyarin-amin kuantod saray totoo to a manaayam ed Sion, “Ag kayo natatakot ed saray taga Asiria, anggaman a papairapen da kayo a singa impamairap na saray Egipsio.

Isaias 24:1

Say Katawan deralen toy dalin tan taynan ton begtebegtew. Yesyesen toy tapew na dalin tan ikaykayat to ray totoo to.

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Ezekiel 28:13

Nanayam kad Eden a tanamanan na Dios, tan nanalahas ka na nandoroman klasin mabmablin bato: rubi, diamanti, topasio, birilo, karnilia, jaspi, sapiro, ismiralda, tan garnita. Wala ra met so ates mon balituk. Agawa ran para sika nen agew ya apalsa ka.

2 Saray Awaran 32:8

Walad sikatoy pakayari na too, balet walad sikatayoy Katawan a Dios tayo ya ontulong ed sikatayo tan milaban ed saray pibakalan tayo.” Apabiskeg so linawa da ray totoo lapud sarayan balikas na ari ra.

Isaias 10:26

Siak, say Katawan a Makapanyarin-amin leweten ko ra a singa samay impanlewet kod saray totood Madian diad Baton Oreb. Dusaen koy Asiria a singa impanusak ed Egipto.

Isaias 31:4

Inkuan na Katawan ed siak, “Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.