Isaias 30:23 - Maung A Balita Biblia

²³ Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Maung a Balita Biblia

²³ Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Isaias 30:23 Referans Kwoze

Isaias 32:20

Nawalaan na ontan lan liket so balang sakey, ta daakan so danum a manalog ed saray tanaman, tan arawid kaatapan so pampastolan ed saray asno tan saray baka ra.

1 Timoteo 4:8

Walay kaabigan ya iiter na pangipasal na laman. Balet say pangipasal ed masanton panagbilay et lalon maabig so iter to, ta isipan toy bilay a para natan tan diad arapen.

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Zacarias 10:1

Kerew kayod Katawan na oran no panaon na tiagew. Say Katawan so mangibabaki na lorem a mangipepelag na oran a mamapalambut ed saray tanaman ed kaalogan a para balang sakey a too.

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Saray Salmo 36:8

Panliliketan miy ag nasabsabaan a kakanen ya iiter mo; paniinomen mo kamid ilog na kaabigan mo.

Genesis 41:18

Kabebekta sinmakbit a nanlapud ilog so pitoran baka a mararakep tan matataba, tan nankabkab ira na dika.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Genesis 41:26

Saramay pitoran baka a matataba kabaliksan day pitoran taon, tan saramay pitoran dawa a maiiyan kabaliksan da met so pitoran taon; saksakey so kabaliksan da.

Oseas 4:16

Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Genesis 41:47

Legan na pitoy taon na inawa, amayamay so naani.

Isaias 10:27

No onsabiy tan ya agew ekalen ta kayod pakayari na Asiria, tan say pako ra et ag lad satan makabelbelat ed tenger yo.”

Isaias 65:21

Mangipaalagey na kaabungan iray totoo tan panayaman da—ag ira ikana na arum a totoo. Mantanem ira na saray ubas tan manliket iran mangan na bunga—aliwan saray arum so mangan. Saray totook mambilay ira na andokey a singa saray kiew. Sigput dan pambilay iray bengatlan nansagputan da.

Levitico 25:19

Say dalin mangiter na bunga to tan nawalaan kayo na amin a labay yon kanen tan mambilay kayod man ya arawid kaatapan.

Levitico 26:3

“No mambilay kayo onung ed saray ganggan ko tan onuren yo ray bilin ko,

Levitico 26:5

Diad karakel na bungay tanaman yo; manaani kayo ni anta panaon lay panagborbor na ubas, tan mamboborbor kayo niy ubas, anta panaon lay panagtanem na trigo. Nawalaan kayo na amin a labay yon kanen, tan mambilay kayon arawid kaatapan ed dalin a panayaman yo.

Deuteronomio 11:14

No onuren yo, ipelag toy oran ed dalin yo no panaon na pankaukolan, pian walay trigo, alak, tan larak a para sikayo,

Saray Salmo 67:7

Binindisionan itayoy Dios; igalang komun na katoowan ed amin a pasen.