Isaias 3:26 - Maung A Balita Biblia

²⁶ Manermen tan manakis iray puirta na siudad, tan say dilin siudad magmaliw a singa biin labus-lakseb a manyodyorung ed dalin.

Maung a Balita Biblia

²⁶ Manermen tan manakis iray puirta na siudad, tan say dilin siudad magmaliw a singa biin labus-lakseb a manyodyorung ed dalin.

Isaias 3:26 Referans Kwoze

Saray Tagleey 2:10

Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

Jeremias 14:2

“Say Juda et walad kaermenan, ompapatey iray siudad to, mandokdokul ed dalin iray totoo to lapud kaermenan, tan onkekerew na tulong so Jerusalem.

Saray Tagleey 1:4

Anggapo la natan so oonlad Timplo a mangigalang no agew iran masanto. Saray bibiin kumakantad man et maniirap ira tan manayay labat iray papari. Begtebegtew la ray puirtay siudad tan pangasikasiyan so Sion.

Say Libro nen Job 2:13

Insan pitoy agew tan pitoy labin kaiba ran inmirung ed dalin; anggapoy imbaga ran balut, lapud anengneng dan ontan lan paniirap to.

Lucas 19:44

Deralen da ka tan saray totoon walad loob na padir mo. Anggapoy anggan sakey a baton natilak ed pasen to, ta ag mo inasikasoy insabi na Dios a mangilaban ed sika!”

Ezekiel 26:16

Amin da ray arari na saray bansan managbiahi ed dayat et onakseb irad trono ra. Lakseben da ray mararakep a kolibemben da tan saray binordaan a kawes da, insan ira manggiwgiw ya onyurong ed dalin. Nataktakot irad agawad sika tan ag ira makatondan onggiwgiw.

Say Libro nen Job 2:8

Linmad abay na bantakay dotak, inmirung tan angalay langa ya impankakarkar tod saray giri to.

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Mateo 11:17

‘Tinogtogan mi kayoy sasayawan, ag ki met sinmayaw; angansion kamiy makapaermen, ag ki met inmakis!’

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Isaias 14:31

Kolyaot tan kerew kayo na tulong, amin yon totood siudad na Filistia! Takot kayo, amin yo! Ta onsasabin manlalapud baybay so makapal a dabuk—sakey ya olup na saray sondalo ya anggapod sikaray matakot.

Isaias 29:2

insan say Dios iyakar toy deral ed siudad a tatawagey “altar na Dios.” Niwalad satan so panakis tan panagugol, tan say intiron siudad et magmaliw a singa altar a naames na dala.

Isaias 33:9

Ataynan so dalin kanyan anggapoy onkitakitaw. Amagaan so takel na Libano, nagmaliw a singa kalawakan so patar na Saron, tan mampagpag iray bulong na kakiewan ed Basan tan diad Palandey na Carmelo.

Jeremias 15:8

Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Saray Tagleey 2:8

Peteg a ginetma na Katawan a nageba ray padir na Sion; Sinukat to ray padir, pian andi-saew a naderal to ran amin. Aderal-deral lan amin natan iray tori tan saray padir.

Ezekiel 12:20

Naderal iray siudad a napno la natan na saray totoo, tan nagawan kalawakan so bansa. Insan dad satan naamtaan a siak so Katawan.”

Mikias 1:9

Ag naabigan iray sugat na Samaria, tan ngalngali la manirap so Juda a singa paniirap na Samaria; asabian lay deral iray puirta na Jerusalem a panaayaman da ray totook.”

Isaias 32:14

Nataynan so anggan palasio tan magmaliw a sigput a begtebegtew so anggan manonan siudad. Naderal ed ando lan ando iray kaabungan tan saray torin panagguardiaan. Manakar-akar diman iray asnod katakelan, tan mankabkab irad may karniro.