Isaias 3:24 - Maung A Balita Biblia

²⁴ Anta mampabalingit ira komun, naboluk ira; anta mambalkes ira komun na balibali, mambalkes iray magasgasal a lobir; anta marakerakep komun so buek da, nakiskisan so olo ra; anta mankawes ira komun na marakerakep, lupot so ikawes da; magmaliw a makapabaing so ganggana ra!

Maung a Balita Biblia

²⁴ Anta mampabalingit ira komun, naboluk ira; anta mambalkes ira komun na balibali, mambalkes iray magasgasal a lobir; anta marakerakep komun so buek da, nakiskisan so olo ra; anta mankawes ira komun na marakerakep, lupot so ikawes da; magmaliw a makapabaing so ganggana ra!

Isaias 3:24 Referans Kwoze

Ezekiel 27:31

Lapud sika kinikiskisan day olo ra Tan nankakawes iray sako. Maninget so pagew da legan dan onaakis.

Saray Tagleey 2:10

Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

Mikias 1:16

Sikayo ran totood Juda, katlian yo ray buek yo diad pangipanengneng yoy kaermenan yo, lapud saray inararo yon anak. Kiskisan yoy kaolowan yo a singa saray buitri, lapud naalad sikayo ray anak yo tan nibantak irad arum a bansa.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Isaias 15:3

Akakawes na sako iray totood daladalan; maermen tan mannangis iray totoo ed saray plasa tan diad saray toktok na abung.

1 Pedro 3:3

Say ganggana yo nepeg ya aliwan walad pangapiger yod buek yo, o pangikana yo ray alahas, o pangisolung yo ray kawes.

Amos 8:10

Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Ester 2:12

Sakey taon so niganan panaon a pampaganggana na saramay bibii—anem bulan so pangimasahid sikara na larak na mira tan anem bulan so pangimasahid sikara na saray pabalingit a pampaganggana. Kayari to ya sansakey iran niakar ed kinen Ari Asuero ira may bibii.

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

Puyan 18:9

Samay siudad panermenan tan nangisan na saray ararid tapew na dalin ya akikaloguran tan akiliket ed sikato, leleg dan nenengnengen so asewek na kapopoolan to.

Puyan 16:9

Apoolan iray katoowan, tan inayew day ngaran na Dios a walay pakayari ton mangiter na ontan iran salot. Balet ag ira nampatauli tan ag da inggalang so Dios.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

Joel 1:8

Akis kayon singa sakey a marikit a nanangisan toy impatey na nubio to.

Ezekiel 7:18

Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.

Jeremias 48:37

Kinikiskisan dan amin so olo ra tan pinopotut day balbas da. Sinasalger day kalimaan da tan nankakawes na sako so balang sakey ed sikara.

Jeremias 6:26

Say Katawan kuanto ed saray totoo to, “Mansolung kayoy sako tan mantolin-tolin kayod dapul. Manermen kayon singa panermen yod saksakey ya anak yon laki, akis kayo na ampaipait, ta biglan dogpaan kayo na manderal ed sikayo.

Jeremias 4:8

Kanyan mansolung kayoy sako, mannangis tan manermen kayo, lapud ag nakal ed Juda so ontan lan sanuk na Katawan.

Isaias 57:9

Popoyukan yoy laman yo na saray nandoroman pabalingit, insan kayo mangigalang ed dios a Moloc. Diad pananap yo na saray diriyos ya igalang yo, mangibabaki kayod ararawin pasen, ya anggan diad pasen a panaayaman da ray inaatey.

Probirbio 31:24

Manggagawa na saray abel tan saray balkes, insan to ra ilalako ed saray nigosianti.

Probirbio 7:17

Pinabalingitan ko na mira, aloe, tan kanila.

Say Libro nen Job 16:15

Maneermen ak kanyan nankawes ak na sako, makapkapoy ak lan akayorung diad dabuk.

Deuteronomio 32:24

Ompatey irad eras tan sakit a mapalalon petang; ompatey irad makapataktakot iran salot. Mangibaki ak na saray ayayep ed katakelan ya ondogpad sikara, tan saray nanditan oleg a mangetket ed sikara.

Deuteronomio 28:22

Say Katawan ipadalan tod sikayo ray makaalis a sakit, larag, tan petang; pakisiren ton maung so danum yo tan pasinagen toy makasinit a petang na agew et naderal iray tanaman yo. Ondalan ed sikayo ra ya, anggad ag yo ipatey.

Jeremias 49:3

Totoon taga Hesbon, eyag kayo! Aderal la so Ai! Bibiin taga Rabba, manermen kayo! Mankawes kayoy sako tan manermen kayo. Mambatik-batik kayon ag yo amtay gagawaen yo. Naalad arum a bansa so dios yon Moloc a pati saray papari tan saray prinsipi to.

Isaias 4:4

Lapud pakayari na Katawan sintinsiaan tan pasantosen to so bansa tan orasan tod kasalanan so Jerusalem tan ekalen toy dala a naibung diman.

Isaias 3:23

saray maimimpis a kawes da, saray linen a panyo ra, saray turban tan saray andokey a pandung ya isosolung dad olo ra.

Isaias 15:2

Onkakalab ed pokdul iray totood Dibon, ta mannangis irad man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.