Isaias 3:21 - Maung A Balita Biblia

²¹ saray singsing ya isosolung dad saray gamet da tan diad eleng da;

Maung a Balita Biblia

²¹ saray singsing ya isosolung dad saray gamet da tan diad eleng da;

Isaias 3:21 Referans Kwoze

Genesis 24:47

Nen tinepet kod sikato no siopay ama to, inebat ton say ama to et si Betuel ya anak nen Nacor tan Milca. Inyan kod satan so singsing ed eleng to tan saray pulsiras ed saray taklay to.

Santiago 2:2

Bilbilang: linmoob ed tipon yo so toon mayaman ya akasingsing na balituk tan akakawes na mabmabli, insan linmoob met so toon mairap-bilay ya apilatpilat so kawes to.

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Ezekiel 16:12

Initdan ta ka na singsing a para eleng tan saray ikaw, ontan met na marakep a koronan itoon ed olom.

Kanta nen Solomon 5:14

Maimimos iray gamet to, tan akasingsing na saray nambato. Say laman to et singa pino-pinon garing, ya akotepan na saray sapiro.

Ester 8:12

Sumpalen da ya ed intiron Impirio na Persia no agew a niganan pamatey ed saray Judio, say kumalabintalon agew na Adar ed kumalabinduan bulan.

Genesis 41:42

Inekal na ari so singsing to a panagmarka, insan to insolung ed gamet nen Jose. Sinolungan toy kawes a linen, tan initdan toy kadinan balituk a para beklew to.

Exodo 35:22

Amin a totoon mabolus so linawa, bii may laki, inyaakar da ray balituk a sara da, saray ikaw da, saray singsing da, saray kolintas da, tan amin a klasiy balituk ya alahas, tan insaklang da ra ed Katawan.

Isaias 3:22

amin da ray mararakep a kawes da, saray kawes dan andorokey, saray kolibemben da, tan saray pitaka ra;