Isaias 3:16 - Maung A Balita Biblia

¹⁶ Inkuay Katawan, “Agaylay panag-paatagey na saray bibiid Jerusalem! Mataltalker so tenger dan manakar: Mankindat ira lawas. Ankekelanting so kupbang da, tan mantaningting so pulsiras dad kalit-kalit.

Maung a Balita Biblia

¹⁶ Inkuay Katawan, Agaylay panag-paatagey na saray bibiid Jerusalem! Mataltalker so tenger dan manakar: Mankindat ira lawas. Ankekelanting so kupbang da, tan mantaningting so pulsiras dad kalit-kalit.

Isaias 3:16 Referans Kwoze

Isaias 4:4

Lapud pakayari na Katawan sintinsiaan tan pasantosen to so bansa tan orasan tod kasalanan so Jerusalem tan ekalen toy dala a naibung diman.

Mateo 21:5

“Ibaga yod siudad na Sion, Onsasabid sikay arim. Mapaabeba tan akakabayod asno, akakabayod kilaw na asno.”

Kanta nen Solomon 3:11

Bibiid Sion, gali dia ta nengneng yoy Ari Solomon. Akakorona na koronan intoon nen ina to diad samay agew na impankasal to, diad samay agew na impanliket tan impanggayaga to.

Probirbio 30:13

Wala ray totoon ipapasen day sikaran dili a maumaung—on, abaloan dan ontan lay kamaung da!

Lucas 23:28

Nilingaw nen Jesus ira tan inkuanto, “Bibiin taga Jerusalem! Ag yo ak nanangisan. Nangisan yo ingey sikayon dili tan saray anak yo.

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Isaias 24:4

Namamagaan so tapew na dalin tan nalalaylay iray amin a tanaman; onkakapoy so intiron mundo; naboboluk so tawen tan dalin.

Isaias 3:18

Onsabiy agew a say Katawan et ekalen tod saray bibiid Jerusalem iray amin a bengatlan ikikinon dan mapalalo—saray pampapagangganan isosolung dad saray kalitkalit da, diad olo ra, diad beklew da,

Isaias 1:8

Jerusalem labat so nakdaan ya aliktub a siudad—singa la ag makapangyagel a bantayan ya abung ed kaubasan odino alolung ed alog na kamilonan.

Probirbio 16:18

Say panagpaatagey mansusumpal ed kaderal, tan say panaglastug, diad katumba.

Isaias 3:1

Natan say Katawan a Makapanyarin-amin a Katawan et ngalngali to la ekalen ed Jerusalem tan Juda iray amin a panmamatalkan na saray totoo. Ekalen toy tagano ra tan say danum da,

Isaias 3:4

Abuloyan na Katawan ya oleyan ira na saray walad kalangweran a kulang na kakabatan tan salsali iray totoo.

Isaias 3:17

Balet dusaen ko ra—kiskisan koy olo ra tan paolyan ko ran tugo.”

Probirbio 21:4

Say panagpaatagey tan say ag pangitaltalek so manooley ed saray totoon maoges; saya et kasalanan.