Isaias 29:14 - Maung A Balita Biblia

¹⁴ Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Maung a Balita Biblia

¹⁴ Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.

Isaias 29:14 Referans Kwoze

Habacuc 1:5

Insan say Katawan kuantod saray totoo to, “Imano yo lawas iray bansad kaliber-liber yo, et onkelaw kayod nanengneng yo. Manggawa ak na sakey a bengatlan ag yo sisiaen no narengelan yo.

Isaias 28:21

Mibakal so Katawan a singa ginawa tod Palandey na Perazim tan diad patar na Gabaon, pian nasumpal toy ginetma ton gawaen—anggaman a singa nidoman tuloy so gagawaen to. Sigput a sumpalen toy makapakelaw a kimey to.

Jeremias 49:7

Sikato yay inkuan na Katawan a Makapanyarin-amin nipaakar ed Edom: “Naandian ta lay kakabatan iray taga Edom? Ag ta la nibaga na saray sumisimbawa ra so nepeg dan gawaen? Naandipat ta lay intiron kakabatan da?

Lucas 10:24

Ta amayamay iray ari tan propita, kuankod sikayo, a nampiwarat a makanengneng na nanenengneng yo natan, balet ag da anengneng. Nampirawat met iran makadngel na narerengel yo natan, balet ag da nadngel.”

Obadias 1:8

“Diad agew a dusaen koy Edom, deralen ko ray masilib dan totoo tan paandipaten koy amin a kakabatan da.

1 CORINTO 3:19

Ta say kakabatan na sankamundoan, kakulang-kulangan ed arap na Dios. Onung na ibabagay Masanton Sulat, “Erelen na Dios iray makabat diad panamegley na dilin silib da.”

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Isaias 19:3

Pagmaliwen kon andi-kakanaan iray plano na Egipsio tan deralen koy kalakal da. Kerewen dan tulongan ira na saray talintaoy diriyos da tan mangipanon irad saray midyum tan mikerew irad saray inaatey na simbawa.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Isaias 44:25

Pagmamaliwen kon andi-kabaliksan iray managbuyon tan andi-kakanaan iray managparles. Susumlangen ko ray salita na saray makabat tan ipapanengneng kod sikaran anggapoy kabaliksan so kakabatan da.

Isaias 63:17

Akin et abuloyan mon nabalangan mi ray dalan mo? Akin et papaaweten moy olo mi, pian nibeneg mi ka? Pawil ka pa, makasengeg ed saray totoon manlilingkur ed sika, saray totoon kayaryan mo lawas.

Isaias 65:7

ed saray kasalanan da tan saray kasalanan na lalaki ra. Nampopool ira na insinso ed saray altar a panangigalangan na saray pagano pokdul tan nansasalita ray maoges sumpad siak. Kanyan dusaen ko ra onung na kanepegan na saray imbeneg a ginagawa ra.”

Say Libro nen Job 12:17

Eekalan toy kakabatan iray manoley, tan pagmamaliwen ton singa makulang-kulang iray pangulo.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.