Isaias 28:7 - Maung A Balita Biblia

⁷ Abuek iray pati propita tan saray papari, kanyan mandongilngil ira. Mapalaloy karakel na nainom dan alak, kanyan mantumba ra tan ag da amtay gagawaen da. Akainom a maung iray propita, kanyan ag da natalusay pasingayew na Dios, tan saray papari et mapalaloy inkabuek da, kanyan aliway sintinsia ra ed saray kason niaapireng ed sikara.

Maung a Balita Biblia

⁷ Abuek iray pati propita tan saray papari, kanyan mandongil-ngil ira. Mapalaloy karakel na nainom dan alak, kanyan mantumba ra tan ag da amtay gagawaen da. Akainom a maung iray propita, kanyan ag da natalusay pasingayew na Dios, tan saray papari et mapalaloy inkabuek da, kanyan aliway sintinsia ra ed saray kason niaapireng ed sikara.

Isaias 28:7 Referans Kwoze

Lucas 21:34

“Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Mateo 24:29

“Kasumpal na satan a kairapan, ombilonget so agew tan ag la onsinag so bulan. Napelag iray bitewen a manlapud tawen, tan saray pakayarid liwang ag da natombuk so gendat a kinaoksuy da.

Isaias 19:14

Ginolo na Katawan so kaisipan da, kanyan makagewgew iray simbawa ra. Lapud saya, nanggagaway maoges so Egipto tan mandongilngil a singa abuek a mankaronyas ed dilin ota to.

Ecclesiastes 10:17

Balet maung so kipapasen na sakey a bansa no say manoley to et gawaen toy dilin labay to, tan makanepegan a mampista iray pangulo to, napokpokan day sikaran dili kanyan ag ira nabuwek.

Probirbio 20:1

Say alak pagmaliwen to kan maingal tan makulang-kulang. Inkakulang-kulang so pambuwek.

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Jeremias 23:16

Say Katawan a Makapanyarin-amin kuantod saray totood Jerusalem, “Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.

Jeremias 14:14

Balet inmebat so Katawan, “Saray propita mantitila ra ed ngaran ko; ag ko ra imbaki, odino ingganggan, odino akisalitaan. Ag nanlapud siak iray pasingayew a sasalitaen da; andi-kakanaan iray pasakbay a ninudnunot da.

Isaias 3:12

Papairapen na saray managpaabang na kuarta iray totook tan sasaolen ira na saray akautangan da. Totook, ibabalang kayo na saray pangulo yo, kanyan ag yo amta no iner so laen yo.

Saray Salmo 107:27

mamparugso tan mandongilngil iran singa saray abuek— nagmaliw ya anggapoy kabaliksan so dunong da.

TAGA-EFESO 5:28

Nepeg ya aroen na lalaki so kaasawaan da a singa panangaro rad laman dan dili.

Ezekiel 44:21

Nepeg ya ag oninom na alak iray papari kasakbayan na iloob dad patiod dalem.

Ezekiel 13:7

Ibabagak ed sikara: Tila ra tay anengneng yon pasingayew, tan aliwan tua ray ipapasakbay yo. Ibabaga yo a sikaray salitak, balet say katwaan to ag ak akisalitad sikayo!”

Saray Tagleey 2:4

Singa kalaban ya impaarap toy pana tod sikatayo; Pinatey ton amin iray ikikinon tan panliliketan tayo. Anggan diad Jerusalem alikna tayoy manliub a pasnuk to.

Jeremias 23:13

Anengneng koy kasalanan na saray propitad Samaria; nampropisiya rad ngaran nen Baal, tan imbalang da ray totook ya Israelita.

Isaias 29:11

Niamut ed sikayo iray amin a pasingayew a nipaakar ed arapen; magmaliw a singa sakey ya atimbrian a nilokut a babasaen. No iyakar yod siopaman ya amta toy mambasa tan kerewen yod sikaton ibasa tod sikayo, ibaga ton ag to nayarian a basaen lapud atimbrian.

Isaias 24:2

Nampaparay pansumpalan na amin a totoo—saray papari tan saray totoo, saray aripen tan saray amo, saray sumasaliw tan saray lumalako, saray managpabayes tan saray bumabayes, saray mayaman tan saray mairap-bilay.

Isaias 22:13

Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, “Maung la laingen no mangan tan maninom tayo, ta nabwas ompatey itayo.”

Isaias 5:22

Pakaskasi kayo la! Sarag yon tuay maninom na alak! Masebeg tan anggapoy takot yo no nipaakar ed pantimplay alak!

Isaias 5:11

Pakaskasi kayo la! Masaksakbay kayo ya ombabangon a maninom, tan abuek kayo ya anggad aralem lay labi.

Probirbio 23:30

Siopa kasi, no ag say toon buanges, say oniinom na nandoroman taway na alak.

Isaias 24:20

Mandongilngil so dalin a singa sakey ya abuek, mambayes a singa alolung no walay bagyo. Dinetdetan na saray dilin kasalanan to so mundo; natumba, et ag la makabangon.

Isaias 28:1

Pangaskasiyan so nanarian na Israel! Onkukupas so kagalangan to a singa koronan rosas ya akatoon ed olo da ray abuek a pangulo to. Dugad pabalingit iray kaoloan da, balet kidokul-dokul ira lapud mapalalon inkabuek da.

Isaias 43:27

Say sankaonaan a lakim et nankasalanan; nankasalanan ed siak iray pangulom,

Oseas 7:5

Diad agew na ponsia na ari binuek day ari tan saray opisyal to tan impagmaliw da ran makulang-kulang.

Habacuc 2:15

Pakaskasi kayo la! Diad gaway pasnuk yo pinaabeba tan impelag yod kababaingan iray kaabay yo; impandongildongil yo ran singa abuek.

Habacuc 2:16

Nakawesan kayo kumun na kagalangan, ingen napelag kayod kababaingan. Maninom kayo tan mandongildongil kayo. Ipainom na Katawan ed sikayo so kupay dusa tan magmaliw a kababaingan so kagalangan yo.

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.