Isaias 28:21 - Maung A Balita Biblia

²¹ Mibakal so Katawan a singa ginawa tod Palandey na Perazim tan diad patar na Gabaon, pian nasumpal toy ginetma ton gawaen—anggaman a singa nidoman tuloy so gagawaen to. Sigput a sumpalen toy makapakelaw a kimey to.

Maung a Balita Biblia

²¹ Mibakal so Katawan a singa ginawa tod Palandey na Perazim tan diad patar na Gabaon, pian nasumpal toy ginetma ton gawaenanggaman a singa nidoman tuloy so gagawaen to. Sigput a sumpalen toy makapakelaw a kimey to.

Isaias 28:21 Referans Kwoze

1 Saray Awaran 14:11

Kanyan dinogpaan ira nen David diad Baal-perazim, et tinalo to ra. Inkuanto, “Say Dios inkana to ak ya ondogpa ed saray kalaban a sondalo. Singa ra dinalan na delap.” Kanyan saman a pasen atawag na Baal-perazim.

2 Samuel 5:20

Kanyan linmad Baal-perazim si David, tan tinalo tod man iray Filisteo. Inkuanto, “Singa sinelak na delap iray kalaban ko nen dinogpaan iray Katawan.” Kanyan saman a pasen atawag na Baal-perazim.

Josue 10:12

Diad samay agew ya impanalo na Katawan iray Israelita ed saray Amorreo, akisalitay Josue ed Katawan. Diad arap na saray Israelita inkuanto, “Agew, tonda kad petek na Gabaon; Bulan, tonda kad petek na Patar na Ayalon.”

Josue 10:10

Say Katawan ginewgew to ray Amorreo nen anengneng da ray sondalo na Israel. Saray Israelita pinapatey dad Gabaon iray Amorreo tan inosilan da rad dalan ed alusadsar na palandey ed Bet-horon; dinogpaan da ra ya anggad Azeka tan Maceda diad abalaten.

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”

1 Saray Awaran 14:16

Ginawa nen David so ingganggan na Dios tan pinasoner to ray Filisteo manlapud Gabaon ya anggad Gezer.

2 Samuel 5:25

Ginawa nen David so ingganggan na Katawan, tan pinasoner to ray Filisteo manlapud Geba ya anggad Gezer.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Isaias 28:19

Ondalan lan ondalan ed sikayo so deral, kapag kabwasan. Nepeg yo yan liknaen ed agew tan labi. Mangiter na balon takot ed sikayo so kapag balon balita na Dios.

Jeremias 30:14

Alingwanan kayo la na amin da ray kainarowan mo; ag da ki la labay. Dinogpaan ta kayon singa sakey a kalaban; mapalaloy inkadusa yo, lapud amayamay so kasalanan yo tan mapalaloy kaogsan yo.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Ezekiel 33:21

Nen kumaliman agew na kumaplon bulan na kumalabinduan taon na inkibantak mid arum a bansa, walay sakey a toon akabatik a nanlapud Jerusalem tan imbaga tod siak a naplag la so siudad.

Saray Tagleey 3:33

Ag to panliketan so pamasakit odino pamaermen tod sikatayo.

Saray Salmo 94:16

Siopay angitalindeg ed siak ed saray totoon maoges? Siopay angibad siak diad insumlang kod saray managgaway kaogsan?

Isaias 65:7

ed saray kasalanan da tan saray kasalanan na lalaki ra. Nampopool ira na insinso ed saray altar a panangigalangan na saray pagano pokdul tan nansasalita ray maoges sumpad siak. Kanyan dusaen ko ra onung na kanepegan na saray imbeneg a ginagawa ra.”

Josue 10:11

Nen saray Amorreo et ibabatikan da ra may Israelitan sondalo, impepelag na Katawan ed sikara iray ankakabaleg ya oran a kristal ya anggad Azeka. Dakel niy apatey na oran a kristal nen say pinapatey da ray Israelita.

Isaias 29:23

No nanengneng yo ray ogogaw ya iter kod sikayo, nabirbir yod satan a siak so masanto a Dios na Israel. Igalang yo ak tan mankelaw kayon manalagey ed arap ko.

Isaias 64:2

Onggiwgiw iran singa manlelwag a danum ya akatoon ed apoy. Gala pa ta ipanengneng moy pakayarim ed saray kalaban mo, tan pagiwgiw mod arap mo iray bansa!

Habacuc 1:5

Insan say Katawan kuantod saray totoo to, “Imano yo lawas iray bansad kaliber-liber yo, et onkelaw kayod nanengneng yo. Manggawa ak na sakey a bengatlan ag yo sisiaen no narengelan yo.