Isaias 26:8 - Maung A Balita Biblia

⁸ Oonuren miy linawam tan manmamatalek kamid sika; sika labat so pampilpilalekan mi.

Maung a Balita Biblia

⁸ Oonuren miy linawam tan manmamatalek kamid sika; sika labat so pampilpilalekan mi.

Isaias 26:8 Referans Kwoze

Isaias 33:2

Katawan, kasian mo kami pa. Sikay nanilaloan mi. Iyagel mo kami pa ya inagew-agew tan ilaban mo kami ed saray panaon na gunigon.

Saray Salmo 65:6

Diad panamegley na biskeg mo inliram iray palandey ed pasen da; impanengneng mo so balbaleg a pakayarim.

Exodo 3:15

Ibagam ed saray Israelita a siak a Katawan, say Dios na saray lalaki ra, say Dios nen Abraham, Isaac, tan Jacob, so angibakid sika ed sikara. Sikato yay ngaran kod anggad angga; sikato yan ngaran so tawagan na amin a kailalakan.

2 TESALONICA 3:5

Say Katawan iwanwan to kayo komun ed lalon pakapikabat yo ed panangaro na Dios tan say pananos ya iiter nen Cristo.

Saray Taga Roma 8:25

Balet no manilalo tayod ag tayo nanenengneng, anosan tayo ya alagden.

Saray Gawgawa 1:4

Aminsan ed sarayan impantitipon da inkuanen Jesus, “Ag ki ni ontataynan ed Jerusalem, ta alagar yo niy asalitak lad sikayon insipay Amak.

Isaias 56:1

Say Katawan kuantod saray totoo to, “Gawa yo so katonungan tan kaptekan, ta ag mabayag ilaban ta kayo.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 12:4

Onsabiy agew a saray totoo ikanta ra, “Misalamat kayod Katawan! Kerew kayod sikaton tulongan to kayo! Ibaga yod amin a bansa iray ginagawa to! Ibaga yod sikara ya ontan lay inkatalonggaring to!

Kanta nen Solomon 5:8

Isipan yod siak, O bibiid Jerusalem, no narumog yo may inarok, ibaga yod sikato a makapoy ak lapud panangaro.

Saray Salmo 106:3

Maliket iray ontotoluk ed ganggan to, saray manggagawa lawas na inkatonung.

Saray Salmo 84:2

Labalabay kon tuloy so makaloob diman! Pampilpilalekan koy manayam ed Timplo na Katawan. Diad intiron pusok sililiket ak a mankankanta ed mabilay a Dios.

Saray Salmo 73:25

Anto niy kayaryan kod tawen no ag say sika? Bangta kayaryan ta ka anto niy pampilalekan ko diad tapew na dalin?

Saray Salmo 18:23

Amta ton anggapoy kasalanan ko, tan inarawian koy kaogsan.

2 Samuel 23:5

Onyay pamindision na Dios ed saray kabyangay boleg ko, ta andi-angga so impisipanan tod siak, sakey a paknaan ya ag naderal, sakey a sipan ya ag naoman. Sikato ya labat so labay kon nagawa; sikato yay panananalok, et andi-duaruwan ipagamur ed siak na Dios.

Saray Bilang 36:13

Sikara yay bilin tan totontonen ya inter na Katawan ed saray Israelita diad panamegley nen Moises diad saray patar na Moab ed nibaliw na Ilog na Jordan manlapud Jerico.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Malakias 4:4

“Nunot yo ray bangat na aripen kon Moises, saray ganggan tan saray bilin ya inter kod sikato diad Palandey na Sinai, a nepeg ya onuren na amin da ray totood Israel.

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Saray Salmo 130:5

Ontan lay panaalagar koy tulong na Katawan, tan manmamatalek ak ed salita to.

Isaias 24:15

tan saray walad Bokig idayew da. Saray totoon manaayam ed gilig na dayat et idayew day Katawan a Dios na Israel.

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 26:13

Katawan a Dios mi, inoleyan kami na saray arum a totoo, balet sikan bukor so Katawan mi.

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Isaias 51:4

“Dengel yo ak, sikayo ran totook, dengel yoy ibabagak: Iter koy bangat ko ed saray bansa; mangiter ed sikara na liwawa iray ganggan ko.

Mikias 4:5

Mangigagalang tan manlilingkur ed dilin dios to so balang bansa, balet mangigalang tan manlingkur itayod Katawan a Dios tayo diad ando lan ando.

Saray Salmo 42:2

Pampilpilalekan ta ka, say Dios a mabilay. Kapigay pakaonlak ed arap mo a mangigalang ed sika?