Isaias 26:14 - Maung A Balita Biblia

¹⁴ Inaatey la ra natan tan ag ombangon iray anyani ra; anggan say anino ra anggapo la, tan dinusam tan pinatey mo ra. Anggapo lay makanunot ed sikara.

Maung a Balita Biblia

¹⁴ Inaatey la ra natan tan ag ombangon iray anyani ra; anggan say anino ra anggapo la, tan dinusam tan pinatey mo ra. Anggapo lay makanunot ed sikara.

Isaias 26:14 Referans Kwoze

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Isaias 8:19

Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, “Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.”

Saray Salmo 106:28

Insan akibabali ran angigalang ed Baal diad Peor tan angan ira na saray imbagat ed saray diriyos ya anggapoy bilay.

Puyan 20:5

(Saray arum ya inatey ag ni ra abilay ya anggad kasumpal to may sanlibon taon.) Sikato yay onaan ya inkiolid bilay na saray inaatey.

Mateo 2:20

Inkuanto may anghil, “Bangon ka tan isempet mo lad dalin na Israel so ogaw tan say ina to, ta inatey la ra may mamapatey ed ogaw.”

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Saray Salmo 109:13

Ompatey komun ya amiy kabyangay boleg to, tan nalingwanan la komuy ngaran to diad ontombuk a kailalakan.

Saray Salmo 9:6

Angga lad angga ya aderal iray kalaban mi. Dineral mo ray siudad da, tan sigput la ran alingwanan.

Deuteronomio 4:28

Manlingkur kayod man ed saray diriyos a ginagawa na lima, saray diriyos a kiew tan bato, saray diriyos ya ag makanengneng o makadngel tan ag da nayariay mangan o onangub.

Exodo 14:30

Diad saman ya agew inyagel na Katawan iray Israelita ed saray Egipsio, tan anengneng na saray Israelita a kibalatar ya inaatey ed gilig na dayat iray Egipsio.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Saray Salmo 36:12

Nengneng moy pasen ya abaktaran da ray totoon maoges. Wadman ni ran kibalatar, tan ag ira makabangon.

Saray Salmo 59:5

Liing ka pa, Katawan a Dios a Makapanyarin-amin, ta dago mo ak a tulongan; sikan dili so onnengneng, O Dios na Israel! Bangon ka pa, ta dusam ya amin iray bansa; ag mo pa kakasian iray traidor!

Saray Salmo 135:17

Walay layag da, balet ag ira makadngel; ag ira anggan makaingas.

Ecclesiastes 9:5

On, saray mabilay amta ra ya ompatey ira, balet saray inaatey anggapoy amta ran balut. Anggapo lay arum a tumang da; sigput la ran alingwanan.

Isaias 29:6

say Katawan a Makapanyarin-amin iyagel to ka diad panamegley na saray karul tan yegyeg. Mangibaki na saray alimbusabos tan say manliub ya apoy;

Isaias 37:19

tan pinopoolan da ray diriyos da—ta aliwa ran tuan diriyos; talintaon kiew odino bato ra labat a ginagawa na limay too.

Say Libro nen Job 7:9

Say lorem onlabas, et kabebekta ag mo la nanengneng; ontan met so too: ompatey insan ag la ompawil; nalingwanan la na amin da ray makapikabat ed sikato.

Say Libro nen Job 18:17

Angangga la so inkabantug to ed dilin bansa to tan diad arum a bansa; anggapo lay makanunot ed sikato.

Say Libro nen Job 24:20

Anggapo lay makanunot ed sikato, anggan say dilin ina to; oputen na bigis so laman to tan sigput a naderal a singa atumban kiew.