Isaias 25:9 - Maung A Balita Biblia

⁹ No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Maung a Balita Biblia

⁹ No nagawa la ya, say balang too ikuanto, Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.

Isaias 25:9 Referans Kwoze

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Genesis 49:18

“Manalagar ak na panangilaban mo, Katawan.

Saray Salmo 20:5

Diad satan maneyag itayod liket tan silibraan tayoy impanalom diad pangidayew ed Dios tayo. Iter komun na Katawan ya amin iray kerew mo!

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Puyan 22:20

Ibabagay mamapaneknek ed saraya, “Talagan tua! Onsabi ak lan magano!” Amen. Onsabi ka la komun, Katawan a Jesus!

2 Pedro 3:12

legan yon aalagdey Agew na Dios. Gawa yoy anggaay nayarian yo a mamaganod isabi na satan ya Agew, say Agew a kapoolan tan kaderal na saray katawenan tan, lapud petang, katonaw na saray bitewen, say agew, tan say bulan.

Isaias 40:9

Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Saray Salmo 100:1

Kantaan yo so Katawan, amin yon pinalsa ed intiron mundo!

Saray Salmo 9:14

pian nayarian koy ontalindeg ed arap da ray totood Jerusalem, tan nibawag kod sikaray makasengeg na pangidadayew kod sika. Manliket ak ta inlaban mo ak.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

1 Pedro 1:6

Nepeg yo yan panliketan, anggaman a nayarin nakaukolan ni a manermen kayon magano lapud saray nandoroman subsubok na bilay.

Lucas 2:25

Walay lakin manaayam ed Jerusalem a say ngaran to et Simeon. Matonung tan maasingger ed Dios yan too, tan aalagaren to a nilaban so Israel. Walad sikatoy Ispiritu Santo

Isaias 35:4

Ibaga yod balang sakey a toon nakalay biskeg na linawa, “Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.”

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

FILIPOS 3:1

Kaonuran, agagi, manliket kayo ed Katawan. Ag ak onsawan mangolit-olit a mangisulat ed sikayo ra yan bengatla; andi bali ta pankaabigan yo met lamlamang.

Isaias 60:16

Talimaen ka na saray bansa tan saray arari A singa pangaasikaso na ina ed anak ton melag. Naamtaan mo a siak, so angilaban ed sika, Ya ibobolus ka na makapanyarin Dios na Israel.

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

Saray Salmo 95:1

Dago kayo, ta idayew tayoy Katawan! Lapud liket mankanta tayo ed Dios a mangyaagel ed sikatayo!

Saray Salmo 21:1

Katawan, maliket so ari lapud pinabiskeg mo; magayaga lapud impanalom.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Isaias 33:2

Katawan, kasian mo kami pa. Sikay nanilaloan mi. Iyagel mo kami pa ya inagew-agew tan ilaban mo kami ed saray panaon na gunigon.

Isaias 35:1

Manliket so kalawakan, tan ombuskag iray rosas diman.

Isaias 37:20

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo so Katawan a Dios.”

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Isaias 52:10

Ikana na Katawan so masanton pakayari to; ilaban to ray totoo to, tan nanengneng ya na sankamundoan.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 64:4

Anggapo niy akanengneng odino akadngel na nipaakar ed Dios a singa sika, a manggagawa na onman iran gawa para saray maniilalod sika.

Isaias 65:18

Ando lan andon manliket tan manggayaga kayo komun ed palsaen ko. Say balon Jerusalem a gawaen ko et napano na liket, tan manliket iray totoo to.

Saray Salmo 33:20

Say Katawan so paniilaloan tayo; sikatoy mananulong tan manangyagel tayo.

Saray Salmo 33:21

Maliket itayo lapud sikato, manmamatalek itayod masanton ngaran to.

Saray Salmo 40:17

Makapkapoy ak tan pakaskasi ak, O Katawan, balet nununoten mo ak. Sikay mananulong tan manangilaban ko; dago mo ak pa lan tulongan, O Dios ko!

Habacuc 3:18

manliket tan manggayaga ak nin siansia, lapud say Katawan a Dios so manangilaban ko.

Zacarias 10:7

Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.