Isaias 23:13 - Maung A Balita Biblia

¹³ Saray taga Babilonia, aliwan saray taga Asiria, so angibolus ed saray ayayep ed katakelan a nandederal ed Tiro. Saray taga Babilonia so angipaalagey na saray torin panaglakob ed siudad na Tiro, inggegeba ray padir to, tan tinaynan dan aderal-deral).

Maung a Balita Biblia

¹³ (Saray taga Babilonia, aliwan saray taga Asiria, so angibolus ed saray ayayep ed katakelan a nandederal ed Tiro. Saray taga Babilonia so angipaalagey na saray torin panaglakob ed siudad na Tiro, inggegeba ray padir to, tan tinaynan dan aderal-deral).

Isaias 23:13 Referans Kwoze

Saray Gawgawa 7:4

Kanyan tinaynan nen Abraham so dalin da ray Caldeo, insan linman nanayam ed Haran. Kapatey na ama to, say Dios pinaonla tod sayan pasen a panaayaman yo natan.

Habacuc 1:6

Pagmaliwen kon manoley iray taga Babilonia, saraman a mapalaloy sebeg tan ag mandeen a totoo. Sulong la ran sulong ed anggan iner, pian nadakep da ray arum a dalin.

Daniel 4:30

inkuanto, “Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.”

Ezekiel 29:18

Inkuanto, “Sika a toon ompatey, si Ari Nabucodonosor na Babilonia et dinogpaan toy Tiro. Impanagto to ray sondalo to na ambebelat, kanyan ayangyangan ira tan diad impansakbat da naobakan so takeb da, balet anggapo lamlamang so agunggona na ari tan saramay sondalo to ed saraman ya impansasagput da.

Isaias 13:19

Say Babilonia et sankarakepan ed amin da ray nanarian; ikikinon na saray totoo to. Balet siak a Katawan, temeken ko a singa samay ginawak ed Sodoma tan Gomorra!

Isaias 10:7

Balet say impirador na Asiria wala ray maruksan plano ton dili. Ginetma ton deralen iray amayamay a bansa.

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Saray Salmo 72:9

Ondakmomod sikaton amin iray totood kalawakan; ontakbad dabuk iray kalaban to.

Say Libro nen Job 1:17

Mansasalita ni nen sinmabi so sakey nin aripen tan kuanto, “Dinogpaan kami na taloran grupo na saray Caldeo, imbatik da ray kamilyom. Pinatey day amin ya aripen mo likud labat ed siak. Siak labat so akabatik, kanyan wadya ak a mangibalitad sika.”

2 Saray Awaran 33:11

Kanyan inabuloyan na Katawan a looban na saray pangulo da ray sondalo na Asiria so Juda. Adakep day Manases, kinawetan da, binalur da na gansan golunggolung, insan da inawit ed Babilonia.

2 Saray Arari 20:12

Diad legan to met yan panaon, say ari na Babilonia a si Merodac-baladan a lakin anak nen Baladan, et nadngelan to a nansakit si Ari Ezekias, kanyan impawitan to na sulat tan rigalo.

2 Saray Arari 17:24

Say impirador na Asiria angawit na saray totoon taga saray siudad na Babilonia, Cuta, Ava, Hamat, tan Sefarvaim, insan impanayam to rad saray siudad na Samaria. Sikaray kasalat na saray Israelitan niakar ed Asiria. Kinayaryan da ra yan siudad tan diman ira nanayam.

Genesis 11:31

Tinmaynan si Tare ed baley na Ur na Babilonia, a kaiba toy anak ton Abram, si apo ton Lot ya anak nen Haran, tan si manugang ton Sarai ya asawa nen Abram. Linma rad dalin na Canaan, et nen asabi ray dalin na Haran, diman la ra nanayam.

Genesis 11:28

tan inatey si Haran diad dilin baley ton Ur na Babilonia nen mabilay niy ama to.

Genesis 11:9

Babilonia so impanawag dad saman a siudad, ta diad sayan lugar impandoroma na Katawan so salita na amin a katoowan tan manlapud man, inkayat to ran amin ed intiron mundo.

Genesis 2:14

Tigris so ngaran na kumatlon ilog; onaagos ed bandad bokig na Asiria, tan Eufrates so ngaran na kumapat ya ilog.

Isaias 13:21

Magmaliw a pasen a saray ayep ed katakelan labat so manayam tan panobungan na saray kulayot. Panayaman na saray abistrus, tan pambatikbatikan na saray kanding ed katakelan iray aderal-deral.

Isaias 18:6

Saray bangkay na saray sondalo ra et natilak irad pasen a nasabi na saray manok tan saray ayayep. No panaoy tiagew kanen ira na saray manok, tan no panaoy ambetel buagen ira na saray ayayep.”

Isaias 43:14

Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Ezekiel 23:23

Iyakar ko ra diay amin a taga Babilonia tan Caldea, saray lalakin taga Pecod, Soa, tan Koa tan amin a taga Asiria. Pantitiponen kon amin iray guapon mamalangwer a lalakin galgalangen tan opisyal, amin da ray manonan opisyal tan atagey a betang ya managkabayo rad para bakal.