Isaias 22:16 - Maung A Balita Biblia

¹⁶ “Antoy abaloan mon kipapasen mo? Antoy kanepegan mon mangyongib na lobuk mo ed diking na mabaton pokdul?

Maung a Balita Biblia

¹⁶ Antoy abaloan mon kipapasen mo? Antoy kanepegan mon mangyongib na lobuk mo ed diking na mabaton pokdul?

Isaias 22:16 Referans Kwoze

Mateo 27:60

insan to insorub ed lobuk ton dili, ya agano nin inyongib tod bato. Kasumpal to ya, angitolin na baton baleg ya insara tod puirta, insan la linma.

2 Saray Awaran 16:14

insan nipompon ed lobuk ya inongib ed balbaleg a bato. Impagawa to yan lobuk a para sikato diad Siudad nen David. Nambabangil a rikado tan pabalingit so inkakana ra ed bangkay to ya impompon. Nampool iray balbaleg a pangipanengneng na ermen dad impatey to.

2 Samuel 18:18

Legan na impanbilay nen Absalom angipaalagey na monuminto to diad Patar na Ari, ta anggapoy anak ton laki a mangituloy na ngaran to. Ngaran ton dili so inngaran tod samay monuminto, et anggad sayan agew tatawagen na Monuminto nen Absalom.

Say Libro nen Job 3:14

nanaogip a singa saray arari tan saray manoley ya amasimbalon nampapaalagey na saray dagdaan a palasio.

Mikias 2:10

Alagey kayo tan lakayo la; maatap la diay bilay. Lapud saray kasalanan yo niganan naderal yan pasen.

Isaias 52:5

Natan say agawad sikayod Babilonia et singa samay agawa lad sikayo nen saman; aripen kayo, balet anggapoy antokaman ya imbayar. Saray manooley ed sikayo et mapaatagey tan malastug ira tan lawas dan ipapanengneng so ag da pangingalngalep ed siak.

Isaias 14:18

Amin ya ararid tapew na dalin nipompon ed saray marakerakep a pantion,

Genesis 50:5

‘Nen ngalngali la ompatey so amak, impaisipan dad siak ya ipompon kod lobuk ya imparaan dad dalin na Canaan. Kanyan abuloyan yo ak pan onla, ta ipompon koy amak, insan ak dia ompawil.’”

Isaias 14:19

balet anggapoy pantion mo tan nibantak a naboluk so bangkay mo. Atabunan na saray bangkay da ray sondalon apatey ed bakal; nibantak a pati sikara ed mabaton abut, tan agatin-gatinan.

Isaias 22:17

Nayarin sakey kan matalonggaring, balet demeten tan ibasibas ka na Katawan.