Isaias 21:3 - Maung A Balita Biblia

³ Lapud samay anengneng tan nadngel ko ed samay pasingayew, ataktakot ak tan nairapan ak tan singa ak biin mampapasakit.

Maung a Balita Biblia

³ Lapud samay anengneng tan nadngel ko ed samay pasingayew, ataktakot ak tan nairapan ak tan singa ak biin mampapasakit.

Isaias 21:3 Referans Kwoze

Isaias 13:8

Ontakot iran amin tan manirap iran singa biin mampapasakit. Diad gaway takot da mannenengnengan ira, tan ombalangay lupa rad kababaingan da.

Isaias 26:17

Sika, Katawan, so makasengeg na impanayay mi, a singa panayay na biin mampapasakit.

Saray Salmo 48:6

Asabian irad may baleg a takot tan segsegang, singa biin ngalngali la mananak,

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Jeremias 48:41

tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Isaias 16:11

Manoogaog ak ed ermen lapud agawad Moab tan Kir-hareset.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Jeremias 50:43

Nererengel na ari na Babilonia so balita, tan alaylay iray taklay to. Mapalaloy paneermen to, tan paniirap to a singa sakey a biin mampapasakit.

Jeremias 49:22

Say kalaban dogpaan toy Bozra; singa agilan onsibar ya akabuskag iray payak to. Diad satan ya agew saray sondalo na Edom ontakot ira a singa biin mampapasakit.”

Isaias 16:9

Nanangisan ko natan iray wakal na Sibma a singa pannanangis kod Jazer. Onteterter so luak lapud Hesbon tan Eleale, ta anggapoy ani a makapaliket ed saray totoo.

Isaias 15:5

Kaskasian koy Moab! Batik ed baley na Zoar tan diad Eglatshelishiyah iray totoo to. Manakakis ya ontatatdang ed Luhit iray pigaran totoo; saray arum batik irad Horonaim a maksil so panakakis da lapud sinmabin deral.

Deuteronomio 28:67

Ompokal lawas ed kapagaan so kapusoan yo lapud saray amin a nanengneng yo. Kapag kabwasan pampilalekan yoy isabi na labi, tan kapag labi pampilalekan yoy isabi na kabwasan.

Juan 16:21

No mampasakit lay malokun a bii, maermen lapud asabi lay oras na panirap to. Balet no nianak lay ogaw, nalingwanan to lay kairapan to, lapud liket tod impaway ed mundo na sakey a too.

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Jeremias 6:24

“Nadngelan miy nipaakar ed balita,” kuan na saray totood Jerusalem, “et kinmolaney iray taklay mi; adetdetan kami na ontan lan kairapan, a singa kairapan na biin mampapasakit.