Isaias 2:4 - Maung A Balita Biblia

⁴ Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Maung a Balita Biblia

⁴ Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Isaias 2:4 Referans Kwoze

Mikias 4:3

Patondaen to ray kolkolan da ray bansa, say kolkolan da ray matalong-garing a bansa arawi may asingger ira. Pitpiten dan pagmaliwen a lokuy iray ispada ra, pagmaliwen dan panagsigbat iray pika ra. Ag lan balut mambabakal iray bansa, ag la ra mamparaan a mibakal lamet.

Oseas 2:18

Diad satan a panaon misipanan ak ed amin da ray ayayep ed katakelan tan saray manok, pian ag da la pasakitan iray totook. Ekalen ko met ed dalin iray amin ya armas ed bakal, amin da ray ispada tan saray pana, tan panayamen kon mareen tan arawid kaatapan iray totook.

Zacarias 9:10

Say Katawan kuanto, “Ekalen kod Israel iray karwahin para bakal; ekalen kod Jerusalem iray kabayon para bakal; naderal iray panan inkakanad bakal. Say ari yo et mikaaro ed saray arum a bansa; manoley a manlapud sakey a dayat ya anggad sananey a dayat, manlapud Ilog na Eufrates ya anggad saray samput na dalin.”

Isaias 32:18

Naandiy kapagaan ed bilay da ray totooy Dios, tan niarawid kaatapan so kaabungan da tan manayam so kareenan. (

Saray Salmo 46:9

Patotondaen to ray bakal ed intiron mundo; popoteren to ray pana, dederalen to ray pika, tan popoolan to ray samper.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Joel 3:10

Pitpit yon gawaen ya ispada iray tarem na lukoy yo tan gawa yon pika iray panaggapas yo. Nepeg a milaban iray anggan makapoy so laman da.

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”

Saray Salmo 82:8

Gala pa, O Dios, ta oleyan moy mundo; kayaryan mon amin iray bansa.

Puyan 19:11

Anengneng kod satay tawen ya alokasan, tan walay kabayon ampoti. Say akakabayo tatawagey Matoor tan Tua; matonung so panintinsia tan pibabakal to.

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Isaias 9:5

Oputen na apoy iray buta na ondodogpan sondalo tan amin a kawes dan ataltalagsikan na dala.

Saray Salmo 110:6

Sintinsiaan to ray bansa, tan panoen to na saray bangkay so alug a panagbakalan, taloen to ray arari ed intiron mundo.

Saray Salmo 96:13

no onsabiy Katawan a manoley ed sankamundoan. Maptek tan matonung so panoley tod amin a katoowan.

Isaias 32:17

Lapud say inkatonung so gawaen na balang sakey, mansiansiad dalin so kareenan tan niarawid kaatapan.

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Joel 3:12

“Saray bansa et nepeg a mamparaan ira, ta ondago ra ed Patar na Sintinsia. Siak, a Katawan, et onirung ak diman a manintinsia ed amin a kaliber-liber a bansa.

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Isaias 42:3

Ag to poteren so pikewet a tanobung odino erepen so makuykuyep a lamparaan. Iyakar toy mansiansian inkatonung ed amin a katoowan.

Oseas 2:20

Tooren koy sipan ko tan kayaryanen ta ka, tan birbiren mo ak a Katawan.