Isaias 2:19 - Maung A Balita Biblia

¹⁹ Onamut iray totood saray ongib na kapokdulan odino diad saray abut ed dalem na dalin, pian napaliisan day pasnuk na Katawan tan niamutan day pakayari tan kagalangan to, no sikatoy onsabi a manyegyeg ed mundo.

Maung a Balita Biblia

¹⁹ Onamut iray totood saray ongib na kapokdulan odino diad saray abut ed dalem na dalin, pian napaliisan day pasnuk na Katawan tan niamutan day pakayari tan kagalangan to, no sikatoy onsabi a manyegyeg ed mundo.

Isaias 2:19 Referans Kwoze

Isaias 2:10

Onamut irad saray ongib na kapokdulan odino diad saray abut ed dalem na dalin, pian napaliisan day pasnuk na Katawan, tan niamutan day pakayari tan say kagalangan to!

Lucas 23:30

Diad sarayan agew, saray totoo ikuandad saray palandey, ‘Tumbaan yo kami!’ tan diad saray pokdul. ‘Tabunan yo kami!’

Oseas 10:8

Naderal iray altar ed toktok na pokdul na Aven a dimay pangigagalangan na saray totoo ed saray talintaoy diriyos. Natubuan na masabit a tanaman tan dikarika iray altar da. Saray totoo iyeyag dad saray palandey, “Iyamut yo kami!” tan diad saray kapokdulan iyeyag da, “Tabunan yo kami!”

Isaias 2:21

No onsabiy Katawan a yegyegen toy dalin, saray onamut ed saray abut tan diad saray ongib ed kapokdulan iray totoo, pian napaliisan day pasnuk to tan niamutan day pakayari tan kagalangan to.

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.

Saray Hebreo 12:26

Diad saman a panaon, niyegyeg na bosis toy dalin, balet insipan to natan, “Maminsan nin yegyegen ko, tan aliwa labat a say dalin no ag pati say tawen.”

Aggeo 2:6

“Ag mabayag yegyegen koy tawen tan say mundo, say dalin tan say dayat.

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Puyan 16:18

Kinmirmat, kinmarul, dinmalagorug, tan yinmegyeg na makmaksil. Sikato la yay sankaksilan a yegyeg, nanlapu lad inkapalsay too ed tapew na dalin. Agaylay kasil to!

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Puyan 9:6

Diad loob na sarayan limay bulan, patey lay anapen na totoo, balet ag da naalmo; labayen da lay ompatey, balet ibatikan ira na patey.

Saray Hebreo 11:38

Ag manepeg ed sikara so mundo! Nanakar-akar irad kalawakan tan kapalandeyan, tan inmaamut irad saray ongib tan saray abut ed dalin.

2 TESALONICA 1:9

Manlikna ray dusa, salanti say andi-anggaan a kaderal da tan say kiarawi rad arap na Katawan tan diad mapagalang a pakayari to.

Mikias 7:17

Manilos irad dabuk a singa oleg; ompaway irad saray tirinsira ra, manggiwgiw tan natatakot ira. Ondago ran sitatakot ed Katawan a Dios mi.

Jeremias 16:16

Say Katawan kuanto, “Mangibaki ak na saray amayamay a sumisigay a mangerel ed sarayan totoo. Insan mangibaki ak na saray amayamay ya umaanup a manganup ed sikara diad palandey tan pokdul, tan anggan diad saray abut ed saray ankakabaleg a bato.

Isaias 30:32

Legan a say Katawan et kakabilen to ya andi-tonda iray taga Asiria, andi-tonda met so panogtog na saray totoo na saray tambol tan saray arpa. Say dilin Katawan so onlaban ed saray taga Asiria.

Saray Salmo 7:6

Alagey ka lapud pasnuk mo, O Katawan! Talindeg ka sumpad sebeg da ray kalaban ko; bangon ka pa tan tulongan mo ak! Katonungan so labay mon nagawa,

1 Samuel 14:11

Nampanengneng ira sirin ed saray Filisteo, et saray Filisteo kuanda, “Nengneng yo! Ompapaway iray pigaran Hebreo ed saray abut a nanaamutan da!”

1 Samuel 13:6

Insan pinasia ran dinogpaan iray Israelita, et pangaskasiyay kipapasen na saray Israelita. Inmaamut iray arum ed sikara diad saray ongib tan diad saray abut, diad nanleleetan na saray ankakabaleg a bato, tan diad saray araralem ya abut tan saray bobun;

Say Libro nen Job 9:6

Yegyegen to so dalin yakayaken toy lusek na mundo.

Isaias 7:19

Manayam irad saray patar a kawalaan na ankakabaleg a bato tan diad saray ongib ed kapalandeyan. Panatan da met ya amin iray masabit ya abeban kiew tan amin iray pastolan.

Isaias 13:13

Diad agew a siak, say Katawan a Makapanyarin-amin, et ipanengneng koy pasnuk ko, yakayaken koy katawenan tan yegyegen koy mundo pian naekal ed pasen to.

Isaias 24:1

Say Katawan deralen toy dalin tan taynan ton begtebegtew. Yesyesen toy tapew na dalin tan ikaykayat to ray totoo to.

Isaias 24:18

Siopamay nibatikan toy pakataktakotan napelag ed abut, tan siopamay napaliisan toy abut naerel ed patit. Onoran na mapmaples tan nagalaw iray pundasion na dalin.

Isaias 24:19

Nayegyeg so dalin, onletak, insan onsangi.

Isaias 33:10

Say Katawan kuantod saray bansa, “Natan, siak so onggalaw. Ipanengneng koy ontan lan pakayarik.

Jeremias 4:29

Diad ingal da ray kumakabayo tan saray pumapana, ombatik ya ontaynan so balang sakey a too. Ombatik ed takel iray arum; ombatik ed kawalaan da ray ankakabaleg a bato iray arum. Nataynan so balang baley, tan anggapoy toon manayam lamet ed sikara.

Jeremias 48:28

“Sikayo ran taga Moab, taynanan yo ray baley yo! Laka yon manayam ed saray diking na kapalandeyan! Alig yo ray palekpek-punay a manobung ed saray gilig na kelas.

Ezekiel 33:27

“Ibagam ed sikara a siak a Katawan a Dios papasakbayan ko ra a legan a mabilay ak andi-duaruwan ompatey iray totoon manaayam ed saray aderal-deral a siudad. Kanen na saray ayayep ed katakelan iray manaayam ed saray bario. Ompatey ed salot iray manaamut ed saray kapalandeyan tan diad saray ongib.

Nahum 3:11

Ninive, magmaliw ka met a singa abuek a mandongilngil! Ibatikan mo met iray kalaban mo.

Aggeo 2:7

Taloen kon amin iray bansa, tan niyakar dia iray kayamanan da, tan napano na kayamanan so Timplo.

2 Samuel 22:46

Onkakapoy so linawa ra tan manggiwgiw iran onsisingger a manlapud saray tirinsira ra.