Isaias 2:11 - Maung A Balita Biblia

¹¹ Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Maung a Balita Biblia

¹¹ Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 2:11 Referans Kwoze

Saray Salmo 18:27

Iyaagel mo ray totoon mauyamo, balet papaabebaen mo ray mapaatagey.

Isaias 2:17

Mansamput so panagpaatagey na too tan naderal so panagpasirayew na amin a katoowan. Naandipat a sigput iray talintaoy diriyos, tan nitanduro so Katawan labat diad satan ya agew.

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Isaias 24:21

Onsabiy panaon a say Katawan et dusaen to ray pakayari ed tagey tan saray manoley ed tapew na dalin.

Isaias 13:11

Say Katawan kuanto, “Mangyakar ak na deral ed tapew na dalin tan dusaen kon amin iray totoon maoges a totoo lapud saray kasalanan da. Ipaabebak ya amin iray totoon mapaatagey tan dusaen kon amin iray totoon malastug tan maruksa.

Isaias 12:4

Onsabiy agew a saray totoo ikanta ra, “Misalamat kayod Katawan! Kerew kayod sikaton tulongan to kayo! Ibaga yod amin a bansa iray ginagawa to! Ibaga yod sikara ya ontan lay inkatalonggaring to!

Mikias 4:6

“Onsabiy panaon,” kuay Katawan, “a tiponen kon pankakasakeyen iray totoon dinusak, saray nanliknay kairapan ed inkibantak dad arum a bansa.

Oseas 2:18

Diad satan a panaon misipanan ak ed amin da ray ayayep ed katakelan tan saray manok, pian ag da la pasakitan iray totook. Ekalen ko met ed dalin iray amin ya armas ed bakal, amin da ray ispada tan saray pana, tan panayamen kon mareen tan arawid kaatapan iray totook.

Ezekiel 39:22

Manlapud saya naamtaan na saray Israelita a siak so Katawan a Dios da.

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

2 CORINTO 10:17

Balet onung na ibabagay Masanton Sulat, “Siopamay mampasirayew, saray ginagaway Katawan so ipasirayew to.”

2 CORINTO 10:5

igegeba miy panagpaatagey ya onsumlang ed kakabatay Dios. Pasusukoen miy balang kanunotan tan patotoluken mid Cristo.

Lucas 18:14

Kuankod sikayo a sayan too sinmempet ya apirdona ray kasalanan to; balet samay Pariseo, andi. Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Zacarias 9:16

No onsabi tan ya agew, say Katawan iyagel to ray totoo to, a singa say pumapastul iyaagel tod kaatapan iray karniro to. Onkidyam irad dalin to a singa ikikidyam na saray alahas ed koronay ari.

Sofonias 3:16

Onsabiy panaon ya ikuandad Jerusalem, “Ag ka natatakot, siudad na Sion! Ag mo palalaylayen iray taklay mo!

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Mikias 5:10

Say Katawan kuanto: “Diad satan a panaon, ekalen kod sikayo ray kabayo yo tan deralen ko ray karwahi yo.

Obadias 1:8

“Diad agew a dusaen koy Edom, deralen ko ray masilib dan totoo tan paandipaten koy amin a kakabatan da.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Joel 3:18

Diad satan a panaon napano na kaubasan iray kapalandeyan, tan nawalaan na baka so balang pokdul; nawalaan na daakan a danum so intiron Juda. Manlapud Timplo na Katawan onagos so kolus a manalog ed Patar na Acacia.

Oseas 2:21

Diad satan a panaon ebatan ko ray pikakasi na saray totook ya Israel. Papelagen koy oran ed tapew na dalin, et say dalin mangiter na trigo, ubas tan oliba.

Oseas 2:16

Diad satan tawagen to ak lamet ya asawa to—ag to ak la tawagen a Baal to.

Ezekiel 39:11

Say Katawan kuanto, “No nagawa la ra yan amin, ibiigan kod Israel si Gog na pomponan a dalin diad Patar na saray Biahiro, diad bokig na Inatey a Dayat. Nipompon diman si Gog tan amin da ray sondalo to, et saman a patar natawag na ‘Say Patar na saray Sondalo nen Gog.’

Ezekiel 38:19

Ibabawag ko a diad gaway pasnuk ko, nagawad satan ya agew so mabiskeg a yegyeg ed dalin na Israel.

Ezekiel 38:14

Kanyan say Katawan a Dios imbaki to ak a mangibagad Gog na sayan labay ton ibagad sikato: “Natan legan a saray totook ya Israel et mambibilay iran arawid kaatapan, mamparaan kan

Jeremias 9:24

No walay labay toy mampasirayew, nepeg ya ipasirayew to ya amta to ak tan natalusan to ak, ta ag mangoman so panangarok, tan gagawaen ko so katonungan tan kaptekan ed intiron mundo. Sikara yay bengatlan panliketan ko. Siak, say Katawan, so nansalita.”

Isaias 52:6

Onsabiy agew a birbiren yon siak so Dios tan siak so akisalita ed sikayo.”

Isaias 37:23

Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Isaias 30:23

Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Isaias 29:18

No onsabi tan ya agew, say telek nayarian ton dengelen so libron nibasa ed maksil, tan say bulag ya abayag lan mambibilay ed kabilongetan et nalokasan iray mata to tan makanengneng.

Isaias 28:5

Onsabiy agew a say Katawan a Makapanyarin-amin et magmaliw a singa mapagalang a koronan bolung a para saray totoo ton akapaliis ed patey.

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 4:1

No onsabiy tan a panaon, singkaten na pitoran bibii so sakey a laki tan ikuanda, “Nayarian min pakanen tan kawesan so sikamin dili, balet ipangasim ya ibagam a sikay asawa mi, pian naekal ed sikamiy kababaingan na anggapoy asawa.”

2 TESALONICA 1:10

Nagawa ya ed Agew ya isabi ton mangawat na galang a manlapud saray totoon pinili to, tan say dayew a manlapud saray mananisiad sikato. Kaiba da kayo met, ta sinisia yoy Maung a Balitan impulong mid sikayo.

2 Samuel 22:28

Iyaagel mo ray totoon mauyamo, balet papaabebaen mo ray mapaatagey.

Saray Salmo 20:8

Natumba tan napelag ira yan totoo, balet ombangon tan mabisbiskeg itayon onalagey.

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Probirbio 30:13

Wala ray totoon ipapasen day sikaran dili a maumaung—on, abaloan dan ontan lay kamaung da!

Isaias 23:9

Say Katawan a Makapanyarin-amin so angiplano. Implano to ya, pian napatonda toy panagpaatagey da ray taga Tiro ed saray agawgawaan da tan ontan met pian napaabeba to ray gagalangen dan totoo.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Mikias 2:3

Kanyan say Katawan kuanto, “Mangyakar ak na deral ed sikayo tan ag yo ya nibatikan. Nagulo-gulo kayo, tan diad satan ag kayo la makapanakar a mataltalker so tenger yo.

Saray Salmo 18:28

O Katawan, iitdan mo ak na liwawa; papaliwawaen moy bilonget ko.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 94:2

Sika so huis na amin a katoowan; alagey ka pa tan iter mod saray mapaatagey so dusan kanepegan da!

Probirbio 16:5

Kabosul na Katawan ya amin iray mapaatagey; ag to abuloyan a paliisan day dusa.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Isaias 14:15

Balet naplag kad sankaaraleman a pasen a panaayaman da ray inaatey.

Isaias 40:23

Papaabebaen to ray makapanyarin manoley, pagmamaliwen to ran anggapoy kabaliksan.

Jeremias 12:9

Saray pinilik a totoo et singa ra sakey a manok a niliktub tan sinibar na saray baga. Padago yo ray ayayep ed katakelan, ta pampera yo ran mangan!

Daniel 4:34

“Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.