Isaias 2:10 - Maung A Balita Biblia

¹⁰ Onamut irad saray ongib na kapokdulan odino diad saray abut ed dalem na dalin, pian napaliisan day pasnuk na Katawan, tan niamutan day pakayari tan say kagalangan to!

Maung a Balita Biblia

¹⁰ Onamut irad saray ongib na kapokdulan odino diad saray abut ed dalem na dalin, pian napaliisan day pasnuk na Katawan, tan niamutan day pakayari tan say kagalangan to!

Isaias 2:10 Referans Kwoze

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

2 TESALONICA 1:9

Manlikna ray dusa, salanti say andi-anggaan a kaderal da tan say kiarawi rad arap na Katawan tan diad mapagalang a pakayari to.

Lucas 23:30

Diad sarayan agew, saray totoo ikuandad saray palandey, ‘Tumbaan yo kami!’ tan diad saray pokdul. ‘Tabunan yo kami!’

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

Oseas 10:8

Naderal iray altar ed toktok na pokdul na Aven a dimay pangigagalangan na saray totoo ed saray talintaoy diriyos. Natubuan na masabit a tanaman tan dikarika iray altar da. Saray totoo iyeyag dad saray palandey, “Iyamut yo kami!” tan diad saray kapokdulan iyeyag da, “Tabunan yo kami!”

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

Isaias 42:22

Balet natan asamsaman iray totoo to; akolung ira ed dalem na dalin tan niamut irad saray prisowan. Atakewan tan asamsaman ira, balet anggapoy onsingger a mangyagel ed sikara.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Saray Salmo 90:11

Siopay akalikna na ontan lan belat na pasnuk mo? Siopay makaamtad takot a nayarin iter na pasnuk mo?

Say Libro nen Job 31:23

Antakot koy pananusa na Dios, kanyan ag ko nayarian a gawaen yan kaogsan.

Say Libro nen Job 40:13

Ipompon mo ran amin ed dalin; balur mo ra ed pasen a kawalaan da ray inaatey.

Saray Salmo 145:12

pian naamtaay amin a katoowan iray makapanyarin gawgawam tan say mapagalang a pakayari na panarian mo.

Isaias 25:11

Ikapay day lima ran singa ra onlangoy, balet say Dios paabebaen to ra; makapasinagem ya onlereg so lima ra.

Jeremias 13:9

“Onyay paneral kod panagpaatagey na Juda tan say ontan lan panagpaatagey na Jerusalem.

Nahum 3:11

Ninive, magmaliw ka met a singa abuek a mandongilngil! Ibatikan mo met iray kalaban mo.