Isaias 19:4 - Maung A Balita Biblia

⁴ Ipalimak iray Egipsio ed pakayari na sakey a masebeg tan maruksan ari a manoley ed sikara. Siak, say Katawan a Makapanyarin-amin so nansalita.”

Maung a Balita Biblia

⁴ Ipalimak iray Egipsio ed pakayari na sakey a masebeg tan maruksan ari a manoley ed sikara. Siak, say Katawan a Makapanyarin-amin so nansalita.

Isaias 19:4 Referans Kwoze

Isaias 20:4

Say ari na Asiria itaynan to ray labus-lakseb a prison adakep tod sarayan duan bansa. Malangwer may matakken, manakar a kasali-sali tan labus-lakseb, sankanengneng so ebet da, tan mangiter ya na kababaingan ed Egipto.

Ezekiel 29:19

Kanyan saya natan so ibabagak, siak a Katawan a Dios: Iiter koy dalin na Egipto ed Ari Nabucodonosor. Samsaman toy Egipto tan awiten toy amin a kayamanan to tan iter ton bayar na saray sondalo to.

Jeremias 46:26

Ipalimak irad saray malabay a mamatey ed sikara, diad kinen Ari Nabucodonosor na Babilonia tan saray sondalo to. Ag mabayag, manayam iray totoo lamet ed Egipto a singa impanayam da nen saman. Siak, say Katawan, so nansalita.”

Isaias 19:2

Say Katawan kuanto, “Panlalabanen ko ray Egipsio; mankakabilan iray sanaagi tan saray sanaabay. Mambabakal iray siudad tan mansasamsaman na pakayari iray arari.

Saray Salmo 31:8

Ag mo inyabuloy a nadakep ak na saray kalaban ko; initdan mo ak na kawayangan ya onlad labay kon laen.

1 Samuel 23:7

Nibagad kinen Saul a linmay David ed Keila, tan kuanto, “Say Dios impasilong to lad pakayarik si David. Inkolung toy sikaton dili diad inyakar tod baley ya aliber na padir tan abalewetan iray puirta to.”

Ezekiel 30:12

Paekatan ko so Ilog na Nilo tan paoleyan kod saray maoges a totoo so Egipto. Deralen na saray sangkaili so intiron bansa. Siak a Katawan so nansalita.”

Nahum 3:10

Balet saray totood Tebes et nibantak irad arum a bansa. Diad inerman a sokung na dalan, saray anak da et nipaspas ira ya anggad ag da impatey. Agolunggolungan a niakar ed arum a bansa iray manonan totoo ra tan nanaapagan ira na saray akadakep ed sikara.

Isaias 20:3

Nen adakep so Asdod, inkuan na Katawan, “Diad loob na taloy taon, si aripen kon Isaias et nanakar-akar a labus-lakseb tan kasali-sali. Sikato yay tanda na nagawa ed Egipto tan Sudan.