Isaias 19:21 - Maung A Balita Biblia

²¹ Ipaamta na Katawan so sikaton dili ed saray Egipsio; birbiren dad satan tan igalang da, tan isaklangan da na saray bagat. Masimsimoon irad satan a mansipan tan sumpalen da ray sipan da.

Maung a Balita Biblia

²¹ Ipaamta na Katawan so sikaton dili ed saray Egipsio; birbiren dad satan tan igalang da, tan isaklangan da na saray bagat. Masimsimoon irad satan a mansipan tan sumpalen da ray sipan da.

Isaias 19:21 Referans Kwoze

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Isaias 11:9

Diad Sion a masanton palandey na Dios, anggapoy antokaman a mamasakit odino manderal. Say dalin napano na pikakabat ed Katawan a singa inkapnoy dayat na danum.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Sofonias 3:10

Anggan saray totook a nikaykayat ed arawin pasen na Sudan et mangyakar irad siak na saray bagat.

Habacuc 2:14

Say mundo et napano na pikakabat ed kagalangan na Katawan a singa inkapano na dayat na danum.

Jonas 1:16

Lapud saya mapalaloy inkataktakot dad Katawan ira may mariniro, kanyan angibagat irad sikato tan insipan dan manlingkur irad sikato.

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Isaias 55:5

Tawagen yo natan iray arum a bansa; ag da kayo amta nen saman, balet natan mambabtik iran ondago a mikasakey ed sikayo! Siak, say Katawan a Dios yo, say masanton Dios na Israel, so makaoley ed pakasumpal ed saya; itdan ta kayo na kagalangan tan dayew.”

Isaias 44:5

“Sansakey ya ibagad satan na saray totoo, ‘Kayaryan ak na Katawan.’ Ondago ran mikasakey ed saray totood Israel. Balang too itatak tod taklay to so ngaran na Katawan tan tawagen toy sikaton dili a sakey ed saray totooy Dios.”

Isaias 37:20

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo so Katawan a Dios.”

Ecclesiastes 5:4

Kanyan no mansipan ka ed Dios, ganatan mon sumpalen. Aliwan makapaliket ed sikato so toon makulang-kulang. Sumpal mo so insipan mon gawaen.

Saray Salmo 67:2

pian naamtaay intiron mundo so linawam; pian naamtaay amin a bansa so panangilaban mo.

1 Saray Arari 8:43

dengel mo pay pikakasi to. Diad ayaman mod tawen dengel mo pa, tan iter mo so antokaman a kerewen tod sika, pian naamtaan tan takotan ka na amin a katoowan ed mundo a singa pakaamta tan itatakot ed sika na saray dilin totoom. Naamtaan dad satan a diad sayan Timplo ya impaalagey ko so nepeg a pangigalangan ed sika.

1 Samuel 17:46

Diad sayan agew say Katawan iyawat to kad limak; taloen ta ka tan potuten koy olom. Saray bangkay da ray sondalon Filisteo et ipakan kod saray manok tan saray ayayep. Naamtaan ed satan na intiron mundo a say Israel et walay Dios to,

Saray Salmo 61:8

Diad ontan, ikantak lawas so pangidayew kod sika, diad inagew-agew a pangibagat koy insipan ko.

Saray Salmo 68:31

Onsabi ray imbahador a manlapud Egipto; itagey na saray taga Etiopia iray kalimaan da diad pampikasi rad Dios.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Isaias 45:14

Say Katawan kuantod Israel, “Kayaryanen mo ray kayamanan ed Egipto tan Sudan, tan magmaliw ya aripen mo iray atatagey a totood Seba; akagolunggolung iran ontombuk ed sika. Ondakmomo rad sika tan ibawag da, ‘Walad sika so Dios—sikato labat so Dios.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 60:7

Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Isaias 66:23

Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Saray Salmo 68:32

Kantaan yoy Dios, sikayo ran nanarian diad mundo, kantaan yo na panangidayew so Katawan,