Isaias 19:20 - Maung A Balita Biblia

²⁰ Sikara yay tanda na kiwawalay Katawan a Makapanyarin-amin ed Egipto. No napapairap iray totood man tan onkerew irad Katawan na tulong, say Katawan et mangibaki na mangyagel ed sikara.

Maung a Balita Biblia

²⁰ Sikara yay tanda na kiwawalay Katawan a Makapanyarin-amin ed Egipto. No napapairap iray totood man tan onkerew irad Katawan na tulong, say Katawan et mangibaki na mangyagel ed sikara.

Isaias 19:20 Referans Kwoze

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Lucas 2:11

Ta diad sayan agew, nianak ed baley nen David so Manangilaban, say Criston Katawan!

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Isaias 55:13

Ontubo ray kiew a sipris ed pasen a kawalaan da ray sabitan natan; ontubo ray kiew a mirtil ed pasen a totobuan natan na saray ambabaing. Sikato yay tanda a mansiansia lawas, sakey a tanda a mangipanunot ed ginawak, siak a Katawan.”

Isaias 52:5

Natan say agawad sikayod Babilonia et singa samay agawa lad sikayo nen saman; aripen kayo, balet anggapoy antokaman ya imbayar. Saray manooley ed sikayo et mapaatagey tan malastug ira tan lawas dan ipapanengneng so ag da pangingalngalep ed siak.

Isaias 37:36

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 20:4

Say ari na Asiria itaynan to ray labus-lakseb a prison adakep tod sarayan duan bansa. Malangwer may matakken, manakar a kasali-sali tan labus-lakseb, sankanengneng so ebet da, tan mangiter ya na kababaingan ed Egipto.

Isaias 19:4

Ipalimak iray Egipsio ed pakayari na sakey a masebeg tan maruksan ari a manoley ed sikara. Siak, say Katawan a Makapanyarin-amin so nansalita.”

Josue 22:34

Inkuan na saray totoo na Ruben tan Gad, “Sayan altar et sakey a tasi ed sikatayo a say Katawan et Dios.” Kanyan inngaran da may altar na “Tasi.”

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Exodo 2:23

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Isaias 43:3

Ta siak so Katawan a Dios mo, say masanton Dios na Israel, a mangilalaban ed sika. Ipatalok so Egipto, Etiopia tan Seba pian narondon ka.

Isaias 43:11

“Bukbukor ko so Katawan, siak labat so makapangilaban ed sikayo.

Isaias 45:15

Say Dios na Israel a mangilalaban ed saray totoo to et Dios ya iyaamut toy sikaton dili.

Isaias 60:16

Talimaen ka na saray bansa tan saray arari A singa pangaasikaso na ina ed anak ton melag. Naamtaan mo a siak, so angilaban ed sika, Ya ibobolus ka na makapanyarin Dios na Israel.

Isaias 63:8

Say Katawan kuanto, “Sikaray totook; ag da ak palikdoen.” Kanyan inlaban to rad