Isaias 19:14 - Maung A Balita Biblia

¹⁴ Ginolo na Katawan so kaisipan da, kanyan makagewgew iray simbawa ra. Lapud saya, nanggagaway maoges so Egipto tan mandongilngil a singa abuek a mankaronyas ed dilin ota to.

Maung a Balita Biblia

¹⁴ Ginolo na Katawan so kaisipan da, kanyan makagewgew iray simbawa ra. Lapud saya, nanggagaway maoges so Egipto tan mandongilngil a singa abuek a mankaronyas ed dilin ota to.

Isaias 19:14 Referans Kwoze

2 TESALONICA 2:11

Lapud sayan ag da impangawat ed katwaan, iyaabuloy na Dios a mankimey so pakayariy tila ed sikara, pian sisiaen day tila.

Jeremias 25:27

Insan inkuan ed siak na Katawan, “Ibagam ed saray totoo a siak, say Katawan a Makapanyarin-amin a Dios na Israel, igaganggan ko ra ya oninom a anggad nabuwek-buwek ira tan manota-ota ra, anggad natumba ra tan ag ira la makabangon lapu ed bakal ya ipadalan kod sikara.

Say Libro nen Job 12:25

karapkarap irad kabilongetan tan mandongilngil iran singa abuek.

Mateo 17:17

Inmebat si Jesus: “Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Jeremias 48:26

Inkuan na Katawan, “Buek yo so Moab, ta linmaban ed siak. Pandokulan toy dilin ota to, tan elek-elekan na saray totoo.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Isaias 19:2

Say Katawan kuanto, “Panlalabanen ko ray Egipsio; mankakabilan iray sanaagi tan saray sanaabay. Mambabakal iray siudad tan mansasamsaman na pakayari iray arari.

Say Libro nen Job 12:16

Mabiskeg so Dios tan lawas manatalo; walad silong na pakaoley to iray managpalikdo tan saray napapalikdo.

Saray Huis 9:23

Insan dineral na Dios so maung a panoolup na saray totood Sikem tan si Abimelec, kanyan nilabanan day Abimelec.

2 Saray Awaran 18:22

Inkuanen Micaya ed kaonuran, “Saya sirin so agawa. Impantila na Katawan ed sika ra yan propitam. Balet imbaga la na Katawan ed sika so kaogsan a nagawad sika!”

Probirbio 12:8

No makabat ka nadayew ka, balet no makulang-kulang ka nabalaw ka.

Isaias 3:12

Papairapen na saray managpaabang na kuarta iray totook tan sasaolen ira na saray akautangan da. Totook, ibabalang kayo na saray pangulo yo, kanyan ag yo amta no iner so laen yo.

Isaias 9:16

Saray mangiwawanwan ed sarayan totoo et imbalang da ra tan sigput da ran ginewgew.

Isaias 24:20

Mandongilngil so dalin a singa sakey ya abuek, mambayes a singa alolung no walay bagyo. Dinetdetan na saray dilin kasalanan to so mundo; natumba, et ag la makabangon.