Isaias 17:4 - Maung A Balita Biblia

⁴ Say Katawan inkuanto, “Onsabiy panaon a naekalay kagalangan so Israel, tan nasalatan na inkaduka so kayamanan to.

Maung a Balita Biblia

⁴ Say Katawan inkuanto, Onsabiy panaon a naekalay kagalangan so Israel, tan nasalatan na inkaduka so kayamanan to.

Isaias 17:4 Referans Kwoze

Isaias 10:16

Say Katawan a Makapanyarin-amin mangipadalan na sakit a manusad saray matataban sondalo. Diad saray laman da walay apoy a mampool lan mampool.

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Ezekiel 34:20

“Kanyan natan, siak a Katawan a Dios ibabagak ed sikayo a sintinsiaan ta kayo ran mabiskeg a karniro tan saray makapoy a karniro.

Isaias 24:16

Narengel mid sankaarawian a pasen na mundo iray kantan pangidayew ed Israel, say matonung a bansa. Balet anggapoy ilalon para siak! Pangaskasiyan lay kipapasen ko! Itutuloy na saray traidor so mamalikdo, tan onloloor so panagpalikdo ra.

Isaias 24:13

Onyay nagawad balang bansa ed intiron mundo. Say nagawa et singa pansamput na borbor na bunga, no apaspas la ray bunga ed amin a kiew na oliba tan aborbor lan amiy bunga na sengeg na ubas.

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 9:21

Saray totood Manases tan saray totood Efraim et manlalaban ira, tan mammomoyung iran ondogpa ed Juda. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 9:8

Say Katawan sinintinsiaan toy nanarian na Israel, saray kabyangan na boleg nen Jacob.

Genesis 41:3

Insan pinmaway met so pitoran baka a mapmabeng tan kapokepokel. Inmasingger ira ed saramay onaan a pitoran baka ed pandel na ilog.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Isaias 17:3

Naekal iray tirinsira na Israel, tan naoleyan na arum a bansa so Damasco. Napelag ed kababaingan a singa saray totood Israel iray taga Siria a makapaliis ed patey. Siak, say Katawan a Makapanyarin-amin, so nansalita.”

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyan tinaon a nambabayar na buis ed sikato.

2 Saray Arari 17:6

a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

Amos 3:12

Say Katawan kuanto, “No panon a nabawi na pumapastol so duaran sali odino sakey a layag na karniron sinira na lion, ontan met a daiset labat so nakeraan ed saray totood Samaria a natan mandodokul irad saray mamabmablin katri.