Isaias 17:2 - Maung A Balita Biblia

² Nakaindan ya anggad angga iray siudad na Siria. Magmaliw iran pastolan na saray karniro tan saray baka, et anggapoy mangablug ed saraya.

Maung a Balita Biblia

² Nakaindan ya anggad angga iray siudad na Siria. Magmaliw iran pastolan na saray karniro tan saray baka, et anggapoy mangablug ed saraya.

Isaias 17:2 Referans Kwoze

Ezekiel 25:5

Pagmaliwen kon pastolan na saray asno so siudad na Rabba, tan magmaliw so intiron bansa na Ammon a pastolan na saray karniro, pian naamtaan yo a siak so Katawan.

Jeremias 7:33

Magmaliw a kanen na saray manok tan saray ayayep ed katakelan iray bangkay, tan anggapoy manibwak a manaktakot ed sikara.

Sofonias 2:6

Magmaliw a maawang a kaalogan iray dalin yod gilig na dayat, wala ray nipaalagey ya alolung na pumapastol tan saray pokukan na karniro.

Mikias 4:4

Say balang sakey a too et manayam ed kareenan diad kawalaan da ray kaubasan tan saray kakiewan ton igos, et anggapo lay manaktakot ed sikato. Say Katawan a Makapanyarin-amin so angisipan ed saya.

Deuteronomio 2:36

Say Katawan a Dios tayo et inabuloyan to itayon anakep ed amin da ray baley a manlapud Aroer, a walad samput na patar na Arnon, tan manlapud siudad ed pegley na saman a patar ya anggad Galaad. Anggapoy siudad ya ag tayo ayarian so padir to.

Saray Bilang 32:34

Saray kabyangay tribu nen Gad et pinasimbalo ran impaalagey iray pinadir a baley na Dibon, Atarot, Aroer,

Jeremias 48:19

Sikayon manaayam ed Aroer, manalagey kayod gilig na dalan tan manalagar kayo; tepetan yo ray ontataynan no antoy agawa.

Deuteronomio 3:12

“Nen nala tayo lay dalin, impabetang kod saray tribu di Ruben tan Gad so pasen a baybay na baley na Aroer diad asingger ed Ilog na Arnon tan say parti na kapokdulan a dalin na Galaad a pati saray baley to.

Isaias 7:21

“No onsabi tan a panaon, say dumaralus ya anggan saksakey so malangwer ton baka tan dugduaray kanding to

Isaias 5:17

Diad saray deral-deral na saray siudad mankabkab na dika iray kordiro tan makalmo ray napankabkaban iray kilaw na kanding.

Josue 13:16

Sakop na dalin da so Aroer (a walad gilig na Patar na Arnon) tan say siudad ed pegley na saman a patar tan sakop to met so intiron niatagey a patar ed kaliber-liber na Medeba.

Say Libro nen Job 11:19

Ag mo la takotan iray kalaban mo; dakel iray totoon onkerew na tulong ed sika.

Isaias 7:22

et makalad sikara na magenap a gatas a nakaukolan to. On, saray nakeraan a nabilay diad dalin et nawalaan ira na gatas tan dilo a kanen da.

Isaias 27:10

Aderal-deral so siudad ya aliber na padir. Ataynan a singa kalawakan ya anggapoy onkitakitaw. Nagmaliw a pastolan na saray baka, a pakapampainawaan tan pakapankabkaban da.

Ezekiel 39:26

No manayam ira lamet ya arawid kaatapan diad dilin dalin da, ya anggapo lay manaktakot ed sikara, nalingwanan da may inkaplag dad kababaingan lapud impantraidor dad siak.

Josue 13:25

Sakop na dalin da so Jazer tan amin da ray siudad na Galaad, say kapaldua na dalin na Amon ya anggad Aroer na nibokig na Raba;