Isaias 17:12 - Maung A Balita Biblia

¹² Agolo-golo ray bansa tan manungol ira a singa panungol na ankakabaleg a daluyon na dayat.

Maung a Balita Biblia

¹² Agolo-golo ray bansa tan manungol ira a singa panungol na ankakabaleg a daluyon na dayat.

Isaias 17:12 Referans Kwoze

Lucas 21:25

“Onletaw iray tanda ed agew, bulan, tan saray bitewen. Diad dalin, saray bansa nagolo rad kataktakot dad saray daluyon tan say ungol na dayat.

Jeremias 6:23

Inaala ray pana tan saray ispada ra; maruksa tan anggapoy panangasi ra. Singa ungol na dayat so tanul da no papabatiken da ray kabayo ra. Sipaparaan iran mibakal sumpad Jerusalem.”

Saray Salmo 18:4

Walad kaliber-liber ko so kaatapan na patey; saray daluyon a managderal tinatabunan da ak.

Puyan 17:15

Inkuanto met ni may anghil ed siak, “Saramay anengneng mon danum a yoyorungan na samay bii et sikaray totoo, bansa, boleg, tan salita.

Puyan 17:1

Kasumpal to ya, dinmagod siak so sakey ed saramay pitoran anghil a sankaawit day pitoran yaung tan inkuanto, “Gala dia, ta ipanengneng kod sika no panoy kadusa na makapanyarin marotak a bii, a salanti say makapanyarin siudad a nipaalagey ed abay na amayamay ya ilog.

Ezekiel 43:2

et anengneng kod man a manlalapud bokig so mankidyam a liwawa na kiwawala na Dios ed Israel. Singa ungol na dayat so bosis na Dios, tan mankidyam so liwawa na mundo.

Isaias 28:17

Say inkatonung so mitro a panukat ed samay pundasion, tan say kaptekan so patawin to.” Say oran a kristal so mangyanur ed saray tilan panmamatalkan yo, tan deralen na delap so salimbengan yo.

Isaias 9:5

Oputen na apoy iray buta na ondodogpan sondalo tan amin a kawes dan ataltalagsikan na dala.

Saray Salmo 29:3

Narerengel so bosis na Katawan diad tapew da ray dayat; onkakarul so mapagalang a Dios, et narerengel so bosis to ed saray danum.

Saray Bilang 10:35

Kapag ompikal imay Kaban na Sipanan, ikuanen Moises, “Alagey ka pa, Katawan; itaytayak mo pa ray kalaban mo tan pabatik mo ray mamobosul ed sika.”

Saray Salmo 83:2

Nengneng mo! Manggogolo ray kalaban mo tan onsusumpa ray mamobosul ed sika.

Isaias 8:9

Mantitipon kayon sitatakot, sikayo ran bansa! Dengel kayo, sikayo ran ararawin parti na mundo. Mamparaan kayon mibakal, balet takot kayo! On, mamparaan kayo, balet takot kayo!

Isaias 13:4

Dengel yoy ingal ed kapalandeyan—say ingal da ray amayamay a totoo, say ingal da ray mantitipon a bansa tan nanarian. Ipaparaan na Katawan na saray Sondalo iray sondalo ton mibakal.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Mikias 4:11

Nantitipon iray amayamay a bansa ya ondogpad sikayo. Kuanda, “Nepeg a naderal so Jerusalem! Nengnengen tayon aderal-deral yan siudad!”

Daniel 7:2

nipaakar ed anengneng ko ed saman a labi: Onsisiplug ed tapew na dayat so dagem a manlalapud amin a dapag.