Isaias 17:1 - Maung A Balita Biblia

¹ Sikato yay propisiya a nipaakar ed Damasco. Inkuan na Katawan, “Magmaliw ya aliwa lan siudad so Damasco; magmaliw labat lan bonbontun na deral-deral.

Maung a Balita Biblia

¹ Sikato yay propisiya a nipaakar ed Damasco. Inkuan na Katawan, Magmaliw ya aliwa lan siudad so Damasco; magmaliw labat lan bonbontun na deral-deral.

Isaias 17:1 Referans Kwoze

Zacarias 9:1

Sikato yay salitan papaibaga na Katawan: Inggetar to lan nadusa so dalin na Hadrac tan say siudad na Damasco. Aliwa labat a saray tribu na Israel so kayaryan na Katawan, no ag ingen pati say manonan baley na Siria.

Isaias 25:2

Impagmaliw mon deral-deral iray siudad tan inggegebam iray padir da. Saray palasion impaalagey na saray kalaban mi et anggad angga la ran naandipat.

Saray Gawgawa 9:2

tan kinmerew na saray sulat a para saray sinagogad Damasco, pian no makalmod man na saray mananombuk ed Dalan et naerel to ra—bibii man o lalaki—tan niakar to rad Jerusalem.

Mikias 1:6

Kanyan say Katawan kuanto, “Pagmaliwen ko a bunton na deral-deral so Samaria diad maawang a kaumaan, say pasen a taneman na saray ubas. Ibalasobus kod patar iray aderal-deral ed siudad tan paolyan kon kipaway-paway iray pundasion na siudad.

Jeremias 49:2

Balet onsabiy oras a parengelan ko na ingal na bakal iray totoo ed siudad na Rabba, tan nataynan ya aderal-deral tan apoolan iray bario to. Diad satan say Israel nabawi tod saray angala so dalin to.

Isaias 7:8

Akin? Lapud aliwan mabiskeg so Siria nen say Damasco a manonan baley to, tan say Damasco et aliwan mabiskeg nen si Ari Rezin. No nipaakar ed Israel, naderal-deral ed loob na anemaplo tan limay taon kanyan ag natogyup a sakey a bansa.

Genesis 14:15

Kasabi tod man, impankadwa to ray totoo to, dinogpaan dad labi iray kalaban da tan tinalo da ra. Inosilan to ran anggad Hoba a walad baybay na Damasco,

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Isaias 37:26

“Ag mo ta ni nadngelan ya abayag ko la yan ginetma? Sinumpal ko la ra ya natan. Initdan ta kay pakayarin napagmaliw mon bunton na deral-deral iray siudad ya aliber na padir.

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Isaias 15:1

Sikato yay propisiya a nipaakar ed Moab. Aderal a sanlabi iray siudad na Ar tan Kir, tan nakokobutan na bilonget so dalin na Moab.

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Isaias 10:9

Adakep ko ray siudad na Calno tan Carkemis, saray siudad na Hamat tan Arpad. Adakep koy Samaria tan Damasco.

Isaias 8:4

Kasakbayan a nayarian to lan ibagay ‘Ina’ tan ‘Ama,’ say ari na Asiria alaen ton isempet iray amin a kayamanan na Damasco tan amin ya asamsamsam na Samaria.”

2 Saray Awaran 28:23

Nambabagat ed diriyos na saray Siriano ya analod sikato. Inkuanto, “Saray diriyos da ray Siriano et tinulongan da ray ararid Siria, kanyan no mangibagat ak ed sikara nayarin, tulongan da ak met.” Lapud saya sinmabiy deral ed sikato tan say bansa to.

2 Saray Awaran 28:5

Lapud nankasalanan si Ari Acaz, impatalo na Katawan a Dios to ed ari na Siria; amayamay a totoo na Juda so adakep na sayan ari tan insempet to ra ed Damasco. Si Acaz impatalo met na Katawan ed ari na Israel a si Peca a lakin anak nen Remalias; sanlasus tan duamplon libon sondalo na Juda so apatey na sayan ari ed loob na sakey agew. Say Katawan a Dios na saray lalaki ra et inyabuloy ton nagawa ya ed saray Judio, lapud inkaindan da.

2 Saray Arari 16:9

Inmabubon si Tiglat-pileser ed kerew nen Acaz. Dinogpaan to tan saray sondalo to so Damasco, adakep da, pinatey day Ari Rezin, tan inawit dad Kir iray totoon adakep da.

Genesis 15:2

Balet inkuanen Abram, “Katawan a DIOS, antoy kaabigan ya iter ed siak na tumang mo, anta anggapo met so anak ko. Si Eliezer labat a taga Damasco so tumatawir ko.

1 Saray Awaran 18:5

Nen saray taga Siria a walad Damasco et angibaki ra na saray sondalon ontulong ed Ari Hadadezer, dinogpaan ira nen David tan pinatey toy duamplo tan duan libon lalaki.

1 Saray Arari 11:24

tan nagmaliw a pangulo na grupoy tutulisan. (Agawa ya nen tinalo nen David si Hadadezer tan pinapatey to ray Sirianon kakaiba to.) Linman nanayam ed Damasco si Rezon tan saray totoo to, tan ginawad man na totoo to ya arid Siria.

Deuteronomio 13:16

Pantitipon yon ibunton ed plasa iray amin a kayaryan na saray totoon manaayam diman. Insan yo poolan so baley tan amin a logan to a sikatoy sakey a bagat ed Katawan a Dios yo. Nepeg a satan a baley et paolyan ya aderal-deral ya anggad angga tan ag lan balut pasimbaloen ya ipaalagey.

Isaias 7:16

Anggan kasakbayan to yan panaon, nataynan iray dalin na saramay duaran ari a manataktakot ed sika.