Isaias 16:5 - Maung A Balita Biblia

⁵ Insan magmaliw ya ari so sakey ed saray kabyangay boleg nen David, tan iletneg tod kaptekan tan panangaro so panoley tod saray totoo. Masiglat a manggaway katonungan, tan andi-saew ya ipakurang toy kaptekan.)

Maung a Balita Biblia

⁵ Insan magmaliw ya ari so sakey ed saray kabyangay boleg nen David, tan iletneg tod kaptekan tan panangaro so panoley tod saray totoo. Masiglat a manggaway katonungan, tan andi-saew ya ipakurang toy kaptekan.)

Isaias 16:5 Referans Kwoze

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Mikias 4:7

Alopuy-lopuy ira tan niarawi rad kaabungan da, balet diad saray nakdaan ed sikara pasimbaloen koy kipapasen da, et magmaliw iran sakey a matalonggaring a bansa. Manoley ak ed sikara diad Palandey na Sion manlapud saman a panaon ya anggad angga.”

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Probirbio 20:28

Mansiansian walad pakaoley so ari legan a say oley to et maptek, matonung, tan malinis.

2 Samuel 7:16

Nawalaan ka lawas na saray kabyangay boleg mo, tan pansiansiaen ko ya anggad angga so nanarian mo.’”

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Isaias 55:4

Ginawak a pangulo tan manoley si David ed saray bansa, tan diad panamegley to impanengneng kod sikaray pakayarik.

Probirbio 29:14

No iyagel na ari iray kanepegan na saray mairap-bilay, andokey a panaon so panoley to.

Saray Salmo 99:4

Makapanyarin ari, inarom so inkatonung; inletneg moy inkatonung ed Israel; inawit moy kaptekan tan kaalasan.

Saray Salmo 98:9

ta onsasabi so Katawan a manoley ed sankamundoan. Matonung tan maptek so panoley tod amin a katoowan ed mundo.

Saray Salmo 96:13

no onsabiy Katawan a manoley ed sankamundoan. Maptek tan matonung so panoley tod amin a katoowan.

Saray Salmo 89:14

Say panarian mo niletneg ed inkatonung tan kaptekan; nanengneng ed amin a gagawaen mo so aro tan inkatoor mo.

Saray Salmo 85:10

Manabet so panagaro tan inkatoor; ontan met a manlakapan so inkatonung tan kareenan.

2 Saray Awaran 31:20

Ginagawa nen Ari Ezekias ed intiron Juda so matunong tan say makapaliket ed Katawan a Dios to.

1 Saray Arari 10:9

Nadayew komun so Katawan a Dios mo! Diad impakaliket tod sika, ginawa to kan ari na Israel. Lapud andiangga so panangaro tod Israel, impagmaliw to kan ari ra pian napansiansiam so kaptekan tan katonungan.”

2 Samuel 23:3

Nansalita so Dios na Israel; inkuan ed siak na manangyagel na Israel: “Say arin maptek so panooley to, tan manooley a walay takot ed Dios,

2 Samuel 5:9

Kayarin adakep so tirinsira, nanayaman nen David tan inngaran to na “Siudad nen David.” Impaalagey toy siudad ed kaliber-liber na tirinsira; inggapo tod pasen a tinabonan diad bokig na pokdul.

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.