Isaias 14:27 - Maung A Balita Biblia

²⁷ Say Katawan a Makapanyarin-amin et ginetma to la yan gawaen; akaonat la so taklay ton manusa tan anggapoy makapatondad sikato.

Maung a Balita Biblia

²⁷ Say Katawan a Makapanyarin-amin et ginetma to la yan gawaen; akaonat la so taklay ton manusa tan anggapoy makapatondad sikato.

Isaias 14:27 Referans Kwoze

Isaias 43:13

Siak so Dios tan Siak si Siak. Anggapoy makapaliis ed pakayarik; anggapoy makaoman ed antokaman a gagawaen ko.”

Say Libro nen Job 23:13

Sikatoy ag balut mangoman. Anggapoy makasumlang ed sikato odino makabaat ed labay ton gawaen.

2 Saray Awaran 20:6

insan nampikasi na maksil, “O Katawan a Dios na saray lalaki mi, wala kad tawen a manooley ed amin da ray bansa ed mundo. Makapanyari tan mabiskeg ka, kanyan anggapoy makasumpad sika.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Say Libro nen Job 9:12

Anggapoy makasebel ed sikato no alaen toy labay to; anggapoy nayarin manepet ed sikato, “Antoy gagawaen mo?”

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Probirbio 19:21

Nayarin mamplano na amin a bengatla iray totoo, balet say linawa na Katawan so nasumpal.

Saray Salmo 33:11

Balet mansiansian anggad angga iray plano na Katawan; ando lan andon mansiansia iray getma to.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Jeremias 4:28

Manermen so dalin; ombilonget so tawen. Say Katawan so nansalita tan ag mansalat na kanunotan to. Nanggetma la so Katawan tan ag to la ya babawien.

Isaias 46:11

Tatawagen kon ondago so toon manlapud bokig; onsibar a singa sakey ya agila tan gawaen to so implanok. Nansalita ak, et tuan nagawa so sinalitak.

Isaias 23:9

Say Katawan a Makapanyarin-amin so angiplano. Implano to ya, pian napatonda toy panagpaatagey da ray taga Tiro ed saray agawgawaan da tan ontan met pian napaabeba to ray gagalangen dan totoo.

Say Libro nen Job 40:8

Labay mo a paneknekan ya aliwa ak a matonung— a siak so mankakasalanan tan sika so maptek?

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Jeremias 51:59

Si Seraias a lakin anak nen Nerias tan apo nen Maasias et dilin mananulong nen Ari Sedekias na Juda. Diad kumapat a taon na panooley nen Sedekias ed Juda, linmad Babilonia si Seraya a kaiba toy Sedekias, et walay bilin kod sikato.

Jeremias 44:28

Balet wala rad sikayoy pigaran makapaliis ed patey tan taynan day Egipto ya ompawil ed Juda. Diad satan saray akapaliis ed patey et naamtaan da no siopay akansalita so tinmua, siak o sikara.

Jeremias 49:20

Kanyan dengel kayod implanok sumpad saray taga Edom, tan say ginetmak a gawaen ed saray totoon manaayam ed siudad na Teman. Nagayugoy iray anggan ankekelag ya anak da, tan nataktakot so balang sakey ed sikara.

Ezekiel 26:14

Itilak ko labat so sakey a baton-dampay a pampaagewan na saray sumisigay na saray iket da. Ag lan balut napasimbalon nipaalagey so siudad na Tiro. Siak a Katawan a Dios so nansalita.”

Say Libro nen Job 11:10

Kabat na Dios no siopa ray andi-kakanaan a totoo; siopay makasbel ed sikato?

Say Libro nen Job 42:2

“Amtak, Katawan, a nagawaan moy amin a bengatla; anggapoy makabaat ed antokaman a labay mon gawaen.

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.