Isaias 14:25 - Maung A Balita Biblia

²⁵ Deralen kod dalin na Israel iray taga Asiria tan igatin-gatin ko rad kapalandeyan ko. Ekalen kod panamairap na taga Asiria iray totook tan saray ambelat a nipasakbat ed sikara.

Maung a Balita Biblia

²⁵ Deralen kod dalin na Israel iray taga Asiria tan igatin-gatin ko rad kapalandeyan ko. Ekalen kod panamairap na taga Asiria iray totook tan saray ambelat a nipasakbat ed sikara.

Isaias 14:25 Referans Kwoze

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Nahum 1:13

Panganggaen ko la natan so panooley ed sikayo na Asiria tan paksoten ko lay golunggolung a nisinger ed sikayo.”

Isaias 14:5

Inekal la na Katawan so pakayari na saray maoges a manoley,

Ezekiel 39:4

Diad satan sikato tan saray sondalo to et ompatey iran kibalatar ed kapalandeyan na Israel tan paolyan kon kanen na saray manok tan saray ayayep ed katakelan iray bangkay da.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Isaias 52:2

Pokpokan moy dabuk ed sikan dili, O Jerusalem! Bangon kad dabuk tan yorung kad tronom! Okbar yoy golunggolung ya akasinger ed sikayo, sikayon adakep a totood Sion!

Mikias 5:6

Diad pakapanyari ra nadakep day Asiria, say dalin na Nimrod, et iyagel da tayod saray taga Asiria no looban day dalin tayo.

2 Saray Awaran 32:21

Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

Ezekiel 32:22

“Wadman so Asiria, ya aliber-liber na saray lobuk da ray sondalo to. Apatey iran amin ed bakal,

Mikias 5:5

tan sikatoy mangyakar na kareenan. No looban na saray taga Asiria so bansa tayo, mangibaki tayo na saray mabisbiskeg a pangulo ya onlaban ed sikara.

Zacarias 10:11

No ondalan irad dayat na gunigon da, siak a Katawan et pareenen ko ray daluyon, tan naekatan iray kaaralman na Ilog na Nilo. Napaabeba so mapaatagey ya Asiria, tan naekalay pakayari so makapanyarin Egipto.