Isaias 14:12 - Maung A Balita Biblia

¹² Ari ed Babilonia, masnag a kabontatalad kabwasan, apattak ka lan nanlapud tawen! Adakep mo ray bansa nen saman, balet natan nibantak ka ed dalin.

Maung a Balita Biblia

¹² Ari ed Babilonia, masanag a kabontatalad kabwasan, apattak ka lan nanlapud tawen! Adakep mo ray bansa nen saman, balet natan nibantak ka ed dalin.

Isaias 14:12 Referans Kwoze

Lucas 10:18

Inmebat si Jesus, “Anengneng koy Satanas a naplag a singa kirmat a nanlapud tawen!

Puyan 8:10

Nen sinibuk na kumatlon anghil so trumpita to, naplag a nanlapud tawen so baleg a bitewen a singa manliub a silew, tan dinmapod kakatlo na amin da ray ilog tan saray sobul.

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”

2 Pedro 1:19

Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

Isaias 34:4

Ondapul so agew, bulan, tan saray bitewen diad kapelag da. Naandi so tawen a singa kalokut na ikamen, tan napelag iray bitewen a singa kapelag na saray bolung a manlapud sangay ubas odino sangay kiew ya igos.

Puyan 2:28

Iter ko met ed sikaray bitewen na kabwasan.

2 Pedro 2:4

Ag pinirdonay Dios iray anghil a nankasalanan; imbantak to ra ingen ed impirno tan diman ira akolung ed ambilonget ya abut legan dan aalagdey Agew na Okum.

Puyan 9:1

Nen sinibuk na kumaliman anghil so trumpita to, anengneng kon apaktak ed dalin so sakey a bitewen a nanlapud tawen, tan naitday tombuk na ag natokur ya abut.

Jeremias 50:23

Minaso tan minekmek na Babilonia so intiron mundo, balet natan apoter la man a maso. Atalagnaw ya amin iray bansa lapud agawad Babilonia.

Isaias 13:10

Ontondan onsinag iray bitewen tan amin da ray onsisinag a walad liwang, ambilonget so agew no ompaway, tan ag onsinag so bulan.

Jeremias 51:53

Anggan makasegep ed tawen so Babilonia, tan manggawad may mabiskeg a tirinsira, siansian mangibaki ak na saray totoon maneral ed sikato. Siak, say Katawan, so nansalita.”

Saray Tagleey 2:1

Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.

Ezekiel 26:17

Kansionen da yan kantan para tolur: Aderal la so bantug a siudad! Naanur lad maawang a dayat iray bapor to. Saray totoo na sayan siudad inoleyan da so kadayatan Tan tinataktakot da ray amin a manaayam ed gilig na dayat.

Obadias 1:4

Anggan ipaalagey mod atagtagey a pasen so abung mo, ya atagtagey a singa kawalaan na obung na agila, ta pian singa ka walad kawalaan da ray bitewen, igoyur ta kan siansia ed leksab.