Isaias 13:21 - Maung A Balita Biblia

²¹ Magmaliw a pasen a saray ayep ed katakelan labat so manayam tan panobungan na saray kulayot. Panayaman na saray abistrus, tan pambatikbatikan na saray kanding ed katakelan iray aderal-deral.

Maung a Balita Biblia

²¹ Magmaliw a pasen a saray ayep ed katakelan labat so manayam tan panobungan na saray kulayot. Panayaman na saray abistrus, tan pambatikbatikan na saray kanding ed katakelan iray aderal-deral.

Isaias 13:21 Referans Kwoze

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.

Isaias 23:13

Saray taga Babilonia, aliwan saray taga Asiria, so angibolus ed saray ayayep ed katakelan a nandederal ed Tiro. Saray taga Babilonia so angipaalagey na saray torin panaglakob ed siudad na Tiro, inggegeba ray padir to, tan tinaynan dan aderal-deral).

Isaias 32:14

Nataynan so anggan palasio tan magmaliw a sigput a begtebegtew so anggan manonan siudad. Naderal ed ando lan ando iray kaabungan tan saray torin panagguardiaan. Manakar-akar diman iray asnod katakelan, tan mankabkab irad may karniro.

Jeremias 50:39

“Kanyan say Babilonia panayaman na saray dimonyo tan saray maoges ya ispiritu, tan saray marotak a manomanok onung ed ganggan. Ag lan balut panayaman ya anggan kapigan na saray totoo.

Mikias 1:8

Insan inkuanen Mikias, “Lapud saya manermen ak tan mantagleey ak. Diad pangipanengneng koy ermen ko, manakar-akar ak a labus-lakseb tan kasali-sali. Managugol ak a singa asod katakelan tan mandageyem ak a singa abistrus.

Sofonias 2:14

Magmaliw a sakey a pasen a pandokul-dokulan na saray karniro, baka, tan amin a klasiy ayayep. Manayam ed kawalaan da ray deral-deral iray kolayut tan ontaglool irad saray bintana. Manwakwak ed saray sasabiyen na puirta iray wawak. Naekal ed saray paalagey to iray tablan sidro.

Isaias 14:23

Pagmaliwen kon lonek so Babilonia tan panayaman na saray kulayot. Panisan koy Babilonia tan ikanak so panis a mangibantak ed amiamin a bengatla. Siak, say Katawan a Makapanyarin-amin, so nansalita.”

Isaias 25:2

Impagmaliw mon deral-deral iray siudad tan inggegebam iray padir da. Saray palasion impaalagey na saray kalaban mi et anggad angga la ran naandipat.