Isaias 12:2 - Maung A Balita Biblia

² Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Maung a Balita Biblia

² Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 12:2 Referans Kwoze

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Saray Salmo 118:14

Say Katawan iitdan to ak na pakayari tan biskeg; inlaban to ak.

Puyan 7:10

Ineyag day maksil, “Say kilalaban manlalapud Dios tayo ya akayorung ed trono, tan say Kordiro!”

Jonas 2:9

Balet mankanta ak na panangidayew ed sika; mangisaklang ak ed sika na bagat tan sumpalen ko so insipan ko. Manlalapud Katawan so kilalaban!”

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Jeremias 23:6

No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

Jeremias 3:23

Anggapoy naalagar min tulong a manlapud saray diriyos a gagalangen mid saray toktok na kapokdulan. Manlapu labat ed Katawan a Dios mi so tulong a para Israel.

Saray Salmo 83:18

Naamtaan da komun a sika labat so Katawan say Sankatageyan a manoley ed sankamundoan.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Saray Taga Roma 1:16

Ag ko ibaing so Maung a Balita, ta sikatoy pakayariy Dios a mangilaban ed amin a manisia, onona ray Judio, insan saray Grigo.

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.”

Isaias 62:11

A say Katawan ibabawag tod intiron mundo: “Ibaga yod saray totood Jerusalem A say Katawan onsasabin mangilaban ed sikayo, Kaiba to ray totoon inyagel to.”

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

1 Samuel 2:1

Nampikasi si Ana: “Say Katawan pinano toy liket so pusok; agaylay liket ko lapud ginawa to. Elekan ko ray onlalaban ed siak; agaylay gayagak ta tinulongan ak na Dios.

Say Libro nen Job 13:16

Nayarin nilaban ak lapud sayan sebeg ko, bangta anggapoy maoges a toon ompangayan miarapan ed Dios.

Saray Salmo 112:8

Mabiskeg so linawa to tan ag natatakot; ag to panduaruwan a nanengneng ton natalo iray kalaban to.

Isaias 10:24

Say Katawan a Dios a Makapanyarin-amin kuantod saray totoo to a manaayam ed Sion, “Ag kayo natatakot ed saray taga Asiria, anggaman a papairapen da kayo a singa impamairap na saray Egipsio.

Isaias 17:10

Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Isaias 27:5

Balet no saray kalaban na saray totook et pilalek dan iyagel ko ra, pikaaro yo rad siak. On, pikaaro yo rad siak.”

Isaias 49:5

Kasakbayan na inkianak ko, tinoro ak la na Katawan; ginawa to ak ya aripen to a mamapawil ed saray totoo to, a mamapawil ed saray ataytayak a totood Israel. Say Katawan iitdan to ak na kagalangan; sikatoy panlalapwan na biskeg ko.

Isaias 50:10

Amin yon mangigagalang ed Katawan tan mangoonur ed saray salita na aripen to, nayarin ambilonget a tua so dadalanen yo, balet manmatalek kayod Katawan, ipia yod Dios so bilay yo.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 65:18

Ando lan andon manliket tan manggayaga kayo komun ed palsaen ko. Say balon Jerusalem a gawaen ko et napano na liket, tan manliket iray totoo to.

Daniel 3:28

Samay ari kuanto, “Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

Habacuc 3:18

manliket tan manggayaga ak nin siansia, lapud say Katawan a Dios so manangilaban ko.

2 Samuel 7:24

Ginawam ya andi-anggaan a totoom so Israel tan sika, Katawan, so nagmaliw a Dios da.

Saray Salmo 65:6

Diad panamegley na biskeg mo inliram iray palandey ed pasen da; impanengneng mo so balbaleg a pakayarim.

Saray Salmo 68:20

Say Dios tayo et Dios a manangilaban; sikato so Katawan, say Katawan tayo, a mangipapaliis ed sikatayod patey.

Saray Salmo 68:21

Andi-saew a betag-betagen na Dios so kaoloan da ray kalaban to, saray ag ontotondan mankasalanan.

Saray Salmo 118:21

Idadayew ta ka, Katawan, lapud dinengel mo ak, tan initdan mo ak na pananalo.

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Isaias 38:20

Katawan, pinaabig mo ak. Manogtog kami na saray arpa tan mankanta kamiy dayew mo. Diad Timplom mankanta kamiy pangidayew legan na pambilay mi.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?