Isaias 10:24 - Maung A Balita Biblia

²⁴ Say Katawan a Dios a Makapanyarin-amin kuantod saray totoo to a manaayam ed Sion, “Ag kayo natatakot ed saray taga Asiria, anggaman a papairapen da kayo a singa impamairap na saray Egipsio.

Maung a Balita Biblia

²⁴ Sat Katawan a Dios a Makapanyarin-amin kuantod saray totoo to a manaayam ed Sion, Ag kayo natatakot ed saray taga Asiria, anggaman a papairapen da kayo a singa impamairap na saray Egipsio.

Isaias 10:24 Referans Kwoze

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Isaias 37:6

onyay inyebat to: “Ibabaga na Katawan ed sika ya ag ka patataktakot ed saray taga Asiria diad pangibabaga ran ag to ka nilaban.

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Isaias 37:22

inkuan na Katawan, “Eelekan ka na siudad na Jerusalem, Senakerib, tan luludlureyen to ka.

Isaias 35:4

Ibaga yod balang sakey a toon nakalay biskeg na linawa, “Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.”

Isaias 30:19

Ag kayo la onakis, sikayo ran totoon manaayam ed Jerusalem. Mapangasi so Katawan, et no onkerew kayod sikato na tulong, ebatan to kayo.

Isaias 27:7

Say impanusa na Katawan ed Israel et aliwan mapalalon singa say impanusa tod saray kalaban to. Daiset iray apatey a totoo to nen saray apatey a kalaban to.

Isaias 14:29

Totood Filistia, apoter so bastun ya amekpek ed sikayo, balet ag yo ya nepeg a panliketan. No ompatey so sakey ya oleg, onsalat so lalon maoges nen say sikato. Ompusnak so mantikyab a dragon ya iknul na oleg.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Isaias 4:3

Natawag a masanto ya amin iray totoon atilak ed Jerusalem, a sikaray pinili na Dios a napaliisan day patey.

Exodo 14:9

Saray sondalo na Egipto, pati amin a kabayo ra, saray karwahi tan saray kutsiro ra et inmosil irad saray Israelita a nankampo ed abay na Dayat ya Ambalanga ya asingger ed Pihahirot tan Baal-zefon.

Exodo 5:14

Binabakbak na saramay opisyal iray kapatas ya Israelita ya impasen dan makaoley ed kimey. Et tinepet da, “Akin et kulang nen samay gendat a gagawaen yo so ginawa yo natan?”

Isaias 7:4

Ibagam ed sikato a sipaparaan lawas, mansiansian mareen, tan ag ontatakot odino nagugunigon. Say pasnuk nen Ari Rezin tan saray Siriano tan say pasnuk nen Ari Peca et singa labat asewek na duaran napopoolan a bislak.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 30:32

Legan a say Katawan et kakabilen to ya andi-tonda iray taga Asiria, andi-tonda met so panogtog na saray totoo na saray tambol tan saray arpa. Say dilin Katawan so onlaban ed saray taga Asiria.

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Mikias 5:5

tan sikatoy mangyakar na kareenan. No looban na saray taga Asiria so bansa tayo, mangibaki tayo na saray mabisbiskeg a pangulo ya onlaban ed sikara.

2 Saray Arari 19:6

onyay inyebat to: “Ibabaga na Katawan ed sika ya ag ka patataktakot ed saray taga Asiria lapud pangibabaga ran ag to ka nilaban.