Isaias 1:6 - Maung A Balita Biblia

⁶ Maletey so intiron laman mo. Aliber so laman mo na saray sugat, giri, tan saray tinmeterak a larag. Ag alinisan o aberber iray sugat mo. Ag ira anggan nainan na tambal.

Maung a Balita Biblia

⁶ Maletey so intiron laman mo. Aliber so laman mo na saray sugat, giri, tan saray tinmeterak a larag. Ag alinisan o aberber iray sugat mo. Ag ira anggan nainan na tambal.

Isaias 1:6 Referans Kwoze

Jeremias 6:14

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Mateo 9:12

Nadngel ira nen Jesus, kanyan sikatoy inmebat, “Aliwan saray maksil so laman so mankaukolan na doktor, no ag saray mansasakit.

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.

Lucas 10:34

Inasinggeran to, kinalboan toy larak tan alak iray sugat to, tan binerber to ra. Insan pinakabayo tod dilin ayep to; inawit tod abung a pundowan, tan diman to inasikaso.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Saray Salmo 77:2

Mampikasi ak ed Katawan, no nagugunigon ak; sanlabin itatagey ko ray limak diad pampipikasik, balet ag ak naliligliwa.

Say Libro nen Job 5:18

Beberberen na Dios iray sinusugat to; mamapasakit tan mamapaabig ed sika iray lima to.

Nahum 3:19

Anggapo lay panambal ed saray sugat mo, tan ag la ra naabigan. Mantipak ed liket iray amin a makarengel ed balitan nipaakar ed inkaderal mo. Wala tay akapaliis ed ag manganggan inkaruksam?

Jeremias 30:12

Inkuan na Katawan ed saray totoo to, “Ag napaabig iray sugat yo; ag la ra onabig.

2 Samuel 14:25

Diad intiron Israel anggapoy anggan sakey a toon mipara ed inkabantug nen Absalom lapud inkaguapo to; anggapoy deral to manlapud toktok na olo to ya anggad dapan to.

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.

Jeremias 6:7

No panoy pansiasiansiay masamit a danum ed bobun, ontan met so pansiasiansiay kaogsan ed Jerusalem. Narerengelan koy inkaruksa tan panagderal ed dalem na siudad; sakit tan sugat iray nanenengneng ko.

Jeremias 30:15

Ag kayo manririklamo lapud saray sugat yo; ag kayo la napaabig. Onyay impanusak ed sikayo, lapud amayamay so kasalanan yo tan mapalaloy kaogsan yo.