Isaias 1:26 - Maung A Balita Biblia

²⁶ Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.”

Maung a Balita Biblia

²⁶ Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.

Isaias 1:26 Referans Kwoze

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Jeremias 33:7

Paaligwasen koy Juda tan Israel, tan ipawil koy gendat a kipapasen da.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Zacarias 8:8

tan manlapud bokig tan sagur ipawil ko ran manayam ed Jerusalem. Magmaliw iran totook tan siak so Dios da a manoley ed sikara onung ed inkatoor tan inkatonung.

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Ezekiel 45:8

Sayan pasen ed dalin na Israel et betang na manoley a prinsipi, pian ag to la pairapen iray totoo, no ag ingen abuloyan ton say arum a parti na bansa et kayaryan na saray tribu na Israel.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Isaias 60:14

Saray anak na saramay nampapairap ed sika et ondago ra Tan ondakmomo ra a pamagalang dad sika. Amin da ra may nambabalaw ed sika et igalang da kad saliyan mo. Tawagen da kan ‘Say Siudad na Katawan.’ ‘Sion, say Siudad na masanton Dios na Israel.’

Isaias 33:5

Matalonggaring a tuloy so Katawan! Ooleyan toy amin a bengatla. Panoen to na kaptekan tan inkatonung so Jerusalem,

Isaias 1:21

Say siudad a matoor nen saman et nagmaliw la natan a singa marotak a bii! Nen saman matonung a totoo iray manaayam diman; balet natan saray managpatey na totoo labat lay manaayam.

Saray Bilang 12:3

Mapaabeban too si Moises; anggapo lad tapew na dalin so toon mapaabeba nen say sikato.)

Sofonias 3:9

“Insan ko pasimbaloen iray totood saray bansa, tan mampikasi rad siak labat ya aliwan diad saray diriyos, tan siak labat so panlingkuran dan amin.

Saray Bilang 16:15

Akapasnuk si Moises kanyan kuantod Katawan, “Ag mo pa aawaten so antokaman ya ibagat na sarayan totoo. Anggapoy ginawak a makapoy ed siopaman ed sikara; anggapoy inalak ya anggan sakey ed saray asno ra.”

Isaias 54:14

Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Mikias 4:8

Et sika, Jerusalem, a kawalaan na Dios, diad pambantay tod saray totoo to a singa pambantay na sakey a pumapastol a walad tori to, et magmaliw ka lamet a manonan siudad na nanarian a singa samay gendat.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”