Isaias 1:24 - Maung A Balita Biblia

²⁴ Kanyan dengel yo natan so ibabaga na Katawan a Makapanyarin-amin, say Makapanyarin Dios na Israel, “Ombawi ak ed sikayo ran kalaban ko, et ag yo ak lad satan nasigensigen.

Maung a Balita Biblia

²⁴ Kanyan dengel yo natan so ibabaga na Katawan a Makapanyarin-amin, sa Makapanyarin Dios na Israel, Ombawi ak ed sikayo ran kalaban ko, et ag yo ak lad satan nasigensigen.

Isaias 1:24 Referans Kwoze

Isaias 60:16

Talimaen ka na saray bansa tan saray arari A singa pangaasikaso na ina ed anak ton melag. Naamtaan mo a siak, so angilaban ed sika, Ya ibobolus ka na makapanyarin Dios na Israel.

Isaias 61:2

Imbaki to ak a mangibawag A say panaon sinmabi la A say Katawan ilaban to ray totoo to Tan taloen to ray kalaban to. Imbaki to ak a manligliwad amin a maermen,

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 35:4

Ibaga yod balang sakey a toon nakalay biskeg na linawa, “Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.”

Deuteronomio 28:63

No kaonungan so impanliket na Katawan ed impamaaligwas tan impamarakel tod sikayo, ontan met so panliket tod pamatey tan paneral ed sikayo. Napagit kayod dalin a ngalngali yo la nakayaryan a panayaman.

Puyan 18:8

Lapud saya, mambabansag ya onsabid sikato iray salot ed loob na sakey agew: sakit, ermen, tan eras. Sikatoy napoolan, ta makapanyari so Katawan a Dios a manintinsiad sikato.”

Saray Hebreo 10:13

Manaalagar ya anggad say Dios napasuko tod sikato ray kalaban to.

Ezekiel 21:17

Pantipaken ko met iray limak, et onkepa lay pasnuk ko. Siak a Katawan so nansalita.”

Ezekiel 16:42

Diad satan onkepa lay pasnuk ko tan mandeen ak la. Ag ak la mampasnuk odino mangimon.

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Isaias 30:29

Balet sikayo ran totoo na Dios, manliket tan mankanta kayo a singa gagawaen yo no labi no masanton pista. Manliket kayon singa saray manaakar legan a totogtogen iray plauta diad pamapaarap dad Timplo na Katawan a manangyagel na Israel.

Saray Salmo 132:2

Nunot mo pa, Katawan, so insipan to, say sinambaan tod sika, O Makapanyarin Dios nen Jacob:

Deuteronomio 32:43

“Sikayo ran bansa, nepeg yon idayew iray totoo na Katawan— dusaen to ray mamatey ed sikara. Ombawid saray kalaban to tan pirdonaen to ray kasalanan da ray totoo to.”

Jeremias 50:34

Balet mabiskeg so mangyagel ed sikara—Yahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.”

Isaias 63:4

Ginetmak a sinmabi lay panaon na pangilaban kod saray totook; panaon la a panusa ed saray kalaban da.

Genesis 49:24

Balet mansiasiansian mabiskeg so pana to, Tan napapabiskeg iray taklay to Diad panamegley na pakayari na Makapanyarin Dios nen Jacob. Napapabiskeg na Managpastol, say Manangyagel ed Israel.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 59:18

Dusaen to ray kalaban to onung ed saray ginawa ra, pati saray manaayam ed saray arawin dalin.

Jeremias 9:9

Ag ko ra dusaen lapud sarayan bengatla? Ag ak ombawi ed bansan singa onya? Siak, say Katawan, so nansalita.”

Mikias 5:15

Lapud mapalalon pasnuk ko ombawi ak ed amin da ray bansa ya ag inmonur ed siak.”

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.