Habacuc 3:18 - Maung A Balita Biblia

¹⁸ manliket tan manggayaga ak nin siansia, lapud say Katawan a Dios so manangilaban ko.

Maung a Balita Biblia

¹⁸ manliket tan manggayaga ak nin siansia, lapud say Katawan a Dios so manangilaban ko.

Habacuc 3:18 Referans Kwoze

Say Libro nen Job 13:15

Nakal lamlamang so ilalok, kanyan anggapoy wala ed siak anggan pateyen ak na Dios. Isangsang kon siansia so katonungan ko ed arap to.

FILIPOS 4:4

Manliket kayo lawas ed Katawan. Oliten ko: manliket kayo!

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Saray Salmo 25:5

Ibangat mo ak pan mambilay onung ed katwaan mo, ta sikay Dios a Manangilaban ko. Manmatalek ak ed sika lawas.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

1 Samuel 2:1

Nampikasi si Ana: “Say Katawan pinano toy liket so pusok; agaylay liket ko lapud ginawa to. Elekan ko ray onlalaban ed siak; agaylay gayagak ta tinulongan ak na Dios.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Saray Salmo 97:12

Amin yon matonung, manggayaga kayo, lapud ginagaway Katawan! Nunot yoy ginagaway masanton Dios, tan misalamat kayod sikato.

Santiago 1:2

Agagi, panliketan yo so panlilikna yoy nandoroman subsubok na bilay,

Lucas 2:30

Ta anengneng na dilin matak so panangilaban mo,

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Saray Salmo 85:6

Pasimbalom pay biskeg mi, pian sikamin totoom et idayew mi ka.

Saray Salmo 33:1

Sikayo ran totoon matonung, iyeyag yoy liket yo, lapud saray ginagaway Katawan; idayew yo, sikayo ran matoluk ed sikato.

Saray Salmo 149:2

Israel, manggayaga ka lapud Manamalsam; totoo na Sion, manliket kayo lapud ari yo!

Saray Salmo 104:34

Pakaliketan to komuy kantak, ta manlalapud sikato so gayagak.

Zacarias 10:7

Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Deuteronomio 12:18

Sikayo tan saray anak yo, a pati saray aripen yo tan saray Levitan manayam ed saray baley yo, et kanen yo ra yan bagat dia labat ed arap na Katawan a Dios yo, diad saksakey a pasen a panangigalangan a pilien na Katawan a Dios yo. Panliketan yod man iray saray ginagawa yo.

Exodo 15:1

Insan si Moises tan saray Israelita kinanta ra yan kanta ed Katawan: “Kantaan ko so Katawan, lapud mapagalang ya impanalo to; imbabantak tod dayat iray kabayo tan saray akakabayod sikaran totoo.

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

2 Samuel 6:15

Kanyan sikato tan amin da ray Israelita inyakar dad Jerusalem imay Kaban na Sipanan a kataruk day eyag na liket tan tanul na saray trumpita.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”