Habacuc 2:7 - Maung A Balita Biblia

⁷ Biglan onsabiy panaon a sikayon anakep ed saray arum a totoo et magmaliw a sikayoy akautang tan napasoot kayon mambayar na abang. Onsabi ray kalaban tan pagiwgiwen da kayo. Samsaman da kayo!

Maung a Balita Biblia

⁷ Biglan onsabiy panaon a sikayon anakep ed saray arum a totoo et magmaliw a sikayoy akautang tan napasoot kayon mambayar na abang. Onsabi ray kalaban tan pagiwgiwen da kayo. Samsaman da kayo!

Habacuc 2:7 Referans Kwoze

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Jeremias 51:57

Bueken ko ray manoley to— saray makabat ton totoo, saray pangulo to, tan saray sondalo to. Onogip ira tan ag ira lan balut ombangon. Siak, say ari, so nansalita; siak so Katawan a Makapanyarin-amin.

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Jeremias 8:17

“Mantalaran kayo!” kuay Katawan, “Ibakik ed sikayo ray oleg, nanditan oleg ya ag ira napaamo. Ketketen da kayo.”

Isaias 47:11

Onsabid sikay deral, et anggapoy salamangkam a makapatondad saya. Biglan onsabid sikay desyang— say desyang ya ag mon balut inilaloan!

Isaias 46:11

Tatawagen kon ondago so toon manlapud bokig; onsibar a singa sakey ya agila tan gawaen to so implanok. Nansalita ak, et tuan nagawa so sinalitak.

Isaias 41:25

“Nampili ak na toon manaayam ed bokig, manlapud baybay awiten kon ondogpa. Gagatin-gatinan to ray manoley ya aliling day pitek, sikatoy singa managgaway banga a manggatin-gatin ed pitek.

Ecclesiastes 10:8

No manggawa kay patit ya abut, diman ka nikolabut; ketketen ka na oleg ya onsorub ed binongaw mon padir.

Isaias 11:13

Ag la onimon ed satan so nanarian na Israel ed Juda, tan ag la kalaban na Israel so Juda.