Habacuc 2:15 - Maung A Balita Biblia

¹⁵ Pakaskasi kayo la! Diad gaway pasnuk yo pinaabeba tan impelag yod kababaingan iray kaabay yo; impandongildongil yo ran singa abuek.

Maung a Balita Biblia

¹⁵ Pakaskasi kayo la! Diad gaway pasnuk yo pinaabeba tan impelag yod kababaingan iray kaabay yo; impandongildongil yo ran singa abuek.

Habacuc 2:15 Referans Kwoze

Jeremias 51:7

Nen saman, say Babilonia et singa balituk a kupa a walad limak, tan buebueken koy intiron mundo. Ininom na saray bansa so alak to, kanyan nakalan iray kalakal.

Genesis 9:22

Nen anengneng nen Ham ya ama nen Canaan a labus-lakseb si ama to, pinmaway tan imbaga tod saray duaran agagi to.

Puyan 18:3

Ta inminom iray amin a katoowan na alak na inmoralidad to. Akikaloguran ed sikato ray arari na dalin, tan minmayaman iray nigosianti lapud ag naperan panagkasalanan to.”

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.

Puyan 17:2

Saray arid dalin akikaloguran ed sayan bii, tan saray totood tapew na dalin abuek iray alak na kasalanan tan inmoralidad.”

Oseas 7:5

Diad agew na ponsia na ari binuek day ari tan saray opisyal to tan impagmaliw da ran makulang-kulang.

Jeremias 25:15

Say Katawan a Dios na Israel inkuantod siak, “Nia so kupa na alak a napnoy pasnuk ko. Alam ta ipainom mod saray bansan pangibakian kod sika.

2 Samuel 11:13

Inimbitaan nen David a mandem, insan to binuek. Balet diad saman a labi ag lamet sinmempet ed abung si Urias; ingen, inmogip ed oles to a kaiba to ray guardiay ari.

Exodo 32:25

Si Moises anengneng ton si Aaron et pinaolyan ton ag la nabano iray totoo tan ginawa ray sikaran dili a makulangkulang ed arap na saray kalaban da.

Isaias 5:22

Pakaskasi kayo la! Sarag yon tuay maninom na alak! Masebeg tan anggapoy takot yo no nipaakar ed pantimplay alak!

Isaias 28:7

Abuek iray pati propita tan saray papari, kanyan mandongilngil ira. Mapalaloy karakel na nainom dan alak, kanyan mantumba ra tan ag da amtay gagawaen da. Akainom a maung iray propita, kanyan ag da natalusay pasingayew na Dios, tan saray papari et mapalaloy inkabuek da, kanyan aliway sintinsia ra ed saray kason niaapireng ed sikara.

Habacuc 2:14

Say mundo et napano na pikakabat ed kagalangan na Katawan a singa inkapano na dayat na danum.

Habacuc 2:16

Nakawesan kayo kumun na kagalangan, ingen napelag kayod kababaingan. Maninom kayo tan mandongildongil kayo. Ipainom na Katawan ed sikayo so kupay dusa tan magmaliw a kababaingan so kagalangan yo.

Isaias 28:8

Napno na ota iray lamisaan ya yoyorungan da, tan anggapoy atilak a pasen a malinis.