Genesis 9:5 - Maung A Balita Biblia

⁵ Nadusa so siopaman a mamatey na too. Dusaen ko na patey so anggan anton ayep a mamatey na too.

Maung a Balita Biblia

⁵ Nadusa so siopaman a mamatey na too. Dusaen ko na patey so anggan anton ayep a mamatey na too.

Genesis 9:5 Referans Kwoze

Exodo 21:12

“Siopamay mangabil na kapara ton too tan apatey to, nepeg a pateyen.

Saray Salmo 9:12

Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

Exodo 20:13

“Ag ka mamapatey.

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

Genesis 42:22

Inkuanen Ruben, “Imbagak ed sikayon ag yo didiwiten, et ag yo ak met dinengel. Natan nadudusa itayo, lapud impatey to.”

Saray Huis 9:56

Onya so impaningil na Dios ed kinen Abimelec, lapud kaogsan a ginawa tod si ama to diad impamatey tod saramay pitomplon lalakin agagi to.

2 Samuel 4:11

Ag kasi lalon ambelat a dusa so iter ed saray totoon maoges lapud pamatey da ed toon anggapoy kasalanan a naogip ed dilin abung to? Ombawi ak natan ed sikayo lapud impamatey yod sikato, tan paandien ta kayo ed tapew na dalin!”

2 Saray Awaran 24:22

Alingwanan na ari so matoor ya impanlingkur ed sikato nen Joiada ya ama nen Zacarias, kanyan impapatey toy Zacarias. Nen ompapatey si Zacarias, inmeyag, “Nanengneng komun na Katawan so gagawaen yo tan dusaen to kayo!”

Levitico 24:17

“Siopamay mamatey na kapara ton too, nepeg a pateyen,

Levitico 24:21

Siopamay amatey na ayep na kapara ton too nepeg a salatan to, balet siopamay mamatey na kapara ton too, nepeg a pateyen.

Saray Bilang 35:16

“Balet no say sakey a too et mangikana na armas a balatyang odino bato odino kiew ed pamatey to, mankasalanan lapud impakapatey toy too, kanyan nepeg a pateyen.

Saray Bilang 35:21

odino pamoniti to, sikatoy mankasalanan lapud impakapatey toy too, kanyan nepeg a pateyen. Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Deuteronomio 19:11

“Balet antoy gawaen no bilang say sakey a too et ginagala ton pinatey so kalaban to, insan ombatik ya onsalimbeng ed sakey ed sarayan siudad?

Deuteronomio 19:12

Saray pangulo na baley to et paawit da, insan da ipalima ed kanayon a makaoley ya ombawid samay impamatey, ta pateyen to.

1 Saray Arari 2:6

Gawam so isisipen mon maabig; ag mo aabuloyan a nasabi toy agew na ipatey to.

2 Saray Arari 11:1

Kadngel nen Atalia ya ina nen Ari Ahazia ed impamatey ed anak to, impapatey ton amin iray kabyangay pamilya na ari.

2 Saray Awaran 33:24

Nankokomplut iray opisyal nen Amon sumpad sikato, insan da pinatey ed palasio.

2 Saray Awaran 33:25

Pinatey na saray totood Juda ira may amatey ed kinen Amon tan ginawa ran ari si Josias a lakin anak to.