Genesis 9:27 - Maung A Balita Biblia

²⁷ Say Dios parakelen to komuy Jafet! Saray kabyangay boleg to miayam ira komun ed totoo nen Sem! Magmaliw ya aripen nen Jafet si Canaan.”

Maung a Balita Biblia

²⁷ Say Dios parakelen to komuy Jafet! Saray kabyangay boleg to miayam ira komun ed totoo nen Sem! Magmaliw ya aripen nen Jafet si Canaan.

Genesis 9:27 Referans Kwoze

Saray Taga Roma 15:12

Ibabaga met ni nen Isaias, “Onsabi so kabyangay boleg nen Jesse, ontalindeg a manoley ed saray Hintil, tan manilalo rad sikato.”

Saray Taga Roma 11:12

Natan, no say impankasalanan da et inkabindisionay sankamundoan, tan say kinulangan dad maispiritun panagbilay et inkabindisionan da ray Hintil, lalo komun a dakdakel so bindision no amin ya Israelita et nibilang iran amin a totooy Dios.

TAGA-EFESO 3:13

Kanyan kekerewen kod sikayon ag yo pakakapoyey linawa yo lapud paniirap kon para sikayo, ta pankaabigan yo met lamlamang ya.

TAGA-EFESO 3:6

Saya so niamut a katwaan: diad panamegley na Maung a Balita, saray Hintil et kapara da ray Judio a mananawir na bindisioy Dios, nampara ran kabyangay saksakey a laman, tan minanabang irad sipay Dios lapud Cristo Jesus.

TAGA-EFESO 2:19

No ontan sirin, sikayo ran Hintil, aliwa ki lan taga arum a bansa o sangkaili, no ag ingen kabaleyan na saray totooy Dios tan kabyangay pamilyay Dios!

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Oseas 2:14

Kanyan iyakar ko lamet ed kalawakan yan bii; diman ko pandaleman na panangarok pian napapawil kod siak.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Saray Gawgawa 17:14

Saray agagi pinaalis dan tampol si Pablo tan pinaonla rad gilig na dayat, balet atilak ira di Silas tan Timoteo.

Genesis 9:28

Kasumpal na delap, nambilay niy Noe na talon lasus tan limamploy taon,

Genesis 10:2

Saray lalakin anak nen Jafet sikara di Gomer, Magog, Madai, Javan, Tubal, Mesec, tan Tiras.

Genesis 27:29

Magmaliw komun ya aripen mo ray bansa, tan ontuek komun ed sika ray totoo. Oleyan mo komun ya amin iray kakanayon mo tan ontuek ed sika komun iray kabyangay boleg nen inam. Nisamba komun iray mangisambad sika, tan nabindisionan komun iray mamindision ed sika.”

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.