Genesis 6:7 - Maung A Balita Biblia

⁷ inkuanto, “Paandipaten kod tapew na dalin ira yan totoo a pinalsak, saray ayayep, tan saray manok, ta maermen ak ed impamalsak ed sikara.”

Maung a Balita Biblia

⁷ inkuanto, Paandipaten kod tapew na dalin ira yan totoo a pinalsak, saray ayayep, tan saray manok, ta maermen ak ed impamalsak ed sikara.

Genesis 6:7 Referans Kwoze

Sofonias 1:3

amin a totoo tan amin ya ayayep, amin a manok tan amin a sira. Iyakar koy pakapelag da ray totoon maoges. Deralen koy amin a katoowan, et anggapon balut so nakeraan a mabilay. Siak, say Katawan, so nansalita.

Saray Salmo 37:20

Balet ompatey iray totoon maoges, naandipat a singa rosas a balang iray kalaban na Katawan; naandipat iran singa asewek.

Probirbio 16:4

Amin a ginawa na Katawan walay pansumpalan da; et saray totoon maoges deral so kasumpalan da.

Probirbio 10:27

Makaparokey na bilay so pangigalang ed Katawan. Saray totoon maoges ompatey ira kasakbayay panaon da.

Oseas 4:3

Kanyan say dalin onkelang, tan ompatey ya amin iray manaayam. Ompatey ya amin iray ayayep, amin a manok, tan amin a sira.”

Genesis 6:6

naermenan ed impamalsa tod totoo tan diad impangipasen tod sikara ed tapew na dalin. Diad ontan lan pagbabawi to,

Genesis 7:4

Pitoy agew ni, manlapud natan, paoranen ko ed loob na apataploy agew tan apataploy labi, pian naderal ya amin iray mabilay a pinalsak ed tapew na dalin.”

Genesis 7:21

Inatey ya amin iray pinalsan mabilay ed tapew na dalin—amin a manok, amin ya ayep, tan amin a too.

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Deuteronomio 28:63

No kaonungan so impanliket na Katawan ed impamaaligwas tan impamarakel tod sikayo, ontan met so panliket tod pamatey tan paneral ed sikayo. Napagit kayod dalin a ngalngali yo la nakayaryan a panayaman.

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.

Amos 7:3

Inoman na Katawan so kanunotan to kanyan inkuanto, “Ag nagawa so anengneng mo.”

Amos 7:6

Inoman lamet na Katawan so kanunotan to, kanyan kuanto, “Ag met ya nagawa!”

Sofonias 1:2

Say Katawan kuanto, “Sigput kon deralen ya amin iray bengatlan walad tapew na dalin,

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.