Genesis 50:9 - Maung A Balita Biblia

⁹ Akila met ed sikato ray lalakin akalogan ed karwahi, tan saray akakabayo; dakerakel iran nanoolup.

Maung a Balita Biblia

⁹ Akila met ed sikato ray lalakin akalogan ed karwahi, tan saray akakabayo; dakerakel iran nanoolup.

Genesis 50:9 Referans Kwoze

Saray Gawgawa 8:2

Wala ray pigaran totoon matoor ya angipompon ed bangkay nen Esteban, tan ontan lay impannangis da.

Kanta nen Solomon 1:9

O inarok, pagagalien mo ray lalaki o singa pamapagali na saray kabatyan ed kalakyan ya isisintad saray karwahi na Faraon.

2 Saray Arari 18:24

Ag kayo makasimbang ed anggan sankaabebaan lan opisyal na Asiria, balet iilaloan yo a saray taga Egipto et itdan da kayo na saray karwahi tan saray sondalon kumakabayo!

Exodo 14:28

Pinmawil so danum tan tinabunan to ra may karwahi, saramay kutsiro, tan amin da ra may Egipsion inmosil ed saray Israelita ya anggad dayat; anggapoy atilak ed sikara anggan sakey.

Exodo 14:17

Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.

Exodo 14:7

Pinmikal a kaolup to ray amin a karwahi to, pati saray anem a lasus a sankaabigan iran karwahi to ya impangulo na saray opisyal to.

Genesis 46:29

linmogan si Jose ed karwahi to, insan linmad Gosen a mangabet ed kinen ama to. Kaasingger to, nilakap to, tan abayag a nanakis.

Genesis 41:43

Impaikana to ed kinen Jose so kumadwan karwahi to, insan saray guardiad palasio nambabando rad onaan to, “Paliis kayo! Paliis kayo!” Onya so inkatoro nen Jose a gobirnador ed intiron Egipto.

Genesis 50:8

Akilad sikato ray kabyangay pamilya to, saray lalakin agagi to, tan saray arum nin kabyangay pamilya nen ama to. Atilak ed dalin na Gosen iray ankekelag ya anak da, tan saray karniro, kanding, tan saray baka ra.

Genesis 50:10

Nen akasabi rad pasen a panagilikan diad Atad a bokig na Jordan, nanggawa ra na andokey tan maermen a sirimonyay pompon. Pitoy agew a nanggaway Jose na sirimonyay ermen.