Genesis 50:25 - Maung A Balita Biblia

²⁵ Insan kinerew tod saray totoo to a sambaan dan gawaen yan bilin to. Inkuanto, “Isipan yod siak a no say Dios et iyakar to kayod saman a dalin, piawit yo ray pokel ko.”

Maung a Balita Biblia

²⁵ Insan kinerew tod saray totoo to a sambaan dan gawaen yan bilin to. Inkuanto, Isipan yod siak a no say Dios et iyakar to kayod saman a dalin, piawit yo ray pokel ko.

Genesis 50:25 Referans Kwoze

Josue 24:32

Saray pokel nen Jose ya inalad Egipto na saray totood Israel et nipompon ed Sikem, sakey a parti na dalin a sinaliw nen Jacob ed saray lalakin anak nen Hamor ya ama nen Sikem; sinaliw to na sanlasus a kuartan pilak. Sayan dalin et tinawir na saray kabyangay boleg nen Jose.

Exodo 13:19

Inawit nen Moises iray pokel nen Jose, onung na impamasamba nen Jose a gawaen na saray Israelita. Inkuanen Jose, “No agwaten kayo na Dios ed kairapan, nepeg yon awiten manlapud sayan pasen iray pokel ko.”

Saray Hebreo 11:22

Lapud pananisia, sinalita nen Jose, nen ompapatey la, a saray Israelita taynanan day Egipto, tan binilin to ra no antoy gawaen ed saray pokel to.

Saray Gawgawa 7:16

Saray bangkay da inyakar da rad Sikem tan insorub da rad lobuk a sinaliw nen Abraham ed saray anak nen Hamor.

Genesis 50:5

‘Nen ngalngali la ompatey so amak, impaisipan dad siak ya ipompon kod lobuk ya imparaan dad dalin na Canaan. Kanyan abuloyan yo ak pan onla, ta ipompon koy amak, insan ak dia ompawil.’”

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 13:18

Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga. Nen tinaynan day Egipto iray Israelita akaarmas ira na para bakal.

Ruth 1:6

Ag abayag, nadngelan nen Noemi a binindisionan na Katawan iray totoo ton Israelita, ta initdan to ray amayamay a napambilay. Kanyan namparaan a taynan toy Moab, a kaiba to ray manugang to.