Genesis 50:20 - Maung A Balita Biblia

²⁰ Nankokomplutan yo ak a nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

Maung a Balita Biblia

²⁰ Nankokomplutan yo aka nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

Genesis 50:20 Referans Kwoze

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Saray Salmo 119:71

Pankaabigan ko so impakadusak, ta naaral ko lalaingen iray ganggan mo.

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Saray Gawgawa 3:26

Kanyan piniliy Dios so Aripen to tan onaan kayo ya angibakian to, pian nabindisionan to kayo, diad panamegley na panulong tod sikayon mangibeneg ed maoges a panagbilay yo.”

Genesis 37:4

Nen anengneng na saray agagi nen Jose ya inaro ni nen Jacob ya ama ra nen say sikara, aliwa-liway pitotongtong dad sikato lapud kabkabosul da.

Saray Salmo 56:5

Inagew-agew lawas a gugunigonen ak na saray kalaban ko, say nununoten dan naynay et say pakapasakit dad siak!

Isaias 10:7

Balet say impirador na Asiria wala ray maruksan plano ton dili. Ginetma ton deralen iray amayamay a bansa.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Genesis 37:26

Inkuanen Juda ed saray agagi to, “Antoy nagunggona tayod pamatey ed agi tayo, insan tayo ibori?

Genesis 37:27

Ilako ti lad saray Ismaelita. Diad ontan ag ti la napasakitan; agi tayo ni met, kalamanan tan kadalaan tayo.” Inmabubon ira may agagi to.

Genesis 50:19

Balet inkuanen Jose ed sikara, “Ag kayo natatakot; ag ko nayarian ya alaey pasen na Dios.