Genesis 49:29 - Maung A Balita Biblia

²⁹ Insan ingganggan nen Jacob iray lalakin anak to, “Natan ta magano ak lan mitipon ed saray totook ya andi lad bilay, kerewen kon ipompon yo ak ya ipitipon ed amak tan saray lalakik diad lobuk a walad alog nen Efron a Heteo,

Maung a Balita Biblia

²⁹ Insan ingganggan nen Jacob iray lalakin anak to, Natan ta magano ak lan mitipon ed saray totook ya andi lad bilay, kerewen kon ipompon yo ak ya ipitipon ed amak tan saray lalakik diad lobuk a walad alog nen Efron a Heteo,

Genesis 49:29 Referans Kwoze

Genesis 50:13

inyakar dad Canaan so bangkay to, imponpon dad ongib ed Macpela a bokig na Mamre, diad samay alog a sinaliw nen Abraham ed kinen Efron a Heteo, ta ginawa ton pasen a pomponan.

Genesis 47:30

Labay koy nipompon ed kawalaan da ray atateng ko; ipaway mo ak ed Egipto tan ipompon mo ak ed angipomponan ed sikara.” Inmebat si Jose, “Gawaen koy imbaga yo.”

Genesis 15:15

Sika, andokey so bilay mo, mareen so ipatey mo, insan ka nipompon.

Saray Hebreo 12:23

Sinmingger kayod maliket a tipon da ray pangulowan ya anak na Dios, a nisulat ed tawen iray ngaran da. Sinmingger kayod Dios a huis na amin a pinalsa, tan diad saray ispiritu na totoon matonung a nagmaliw iran ayadyari.

2 Samuel 19:37

Insan yo ak la abuloyan ya onsempet, ta labay ko so ompatey ed abay na lobuk na saray atateng ko. Niay anak kon Camaam; awit mo la, Kagalang kon Ari, tan akaoley ka lan manggawad sikato na isisipen mon maabig.”

Genesis 35:29

kanyan mataktakken la nen inatey. Imponpon na saray anak to a di Esau tan Jacob.

Genesis 23:16

Inmabuloy si Abraham tan sinimbang to may bili ya imbaga nen Efron a sankarengel na saray totoo—apat a lasus a kuartan pilak, onung na panagsimbang na saray nigosianti.

Genesis 23:17

Onya so impakakayaryan nen Abraham ed samay alog nen Efron ed Macpela, diad nibokig na Mamre. Kaiba toy ongib tan amin a kiew diman.

Genesis 49:28

Sikara yay labinduan tribu na Israel, tan sikara yay kaonuran a salita nen ama ra nen bindisionan toy balang sakey ed sikara.

Genesis 49:33

Kayarin binilin nen Jacob iray anak ton lalaki, pinmawil a dinmokul, insan inatey.

Genesis 23:9

ta ilako tod siak so Ongib na Macpela, a walad samput na alog to. Bayaran koy intiron bili to, diad arap yo, pian nakayaryan kon para panangipomponan.”

Genesis 23:20

Kanyan samay alog tan samay ongib a wadman, a kayaryan nen saman na saray Heteo, et nagmaliw a kayaryan nen Abraham tan ginawa ton panangipomponan.

Genesis 35:27

Binmisitay Jacob ed kinen ama ton Isaac diad Namre, ya asingger ed Hebron, tan nanayaman nen Abraham tan Isaac.

Genesis 50:12

Kanyan ginawa na saray lalakin anak nen Jacob so ingganggan tod sikara: