Genesis 49:26 - Maung A Balita Biblia

²⁶ Saray bindision a trigo tan saray rosas, Saray bindision a dagdaan iran palandey, Saray makapalikliket a bengatlan manlalapud andi-anggaan iran pokdul. Mansiansia komun ira yan bindision ed olo nen Jose, Diad muling na samay nibiig nen saman ed saray agagi ton lalaki.

Maung a Balita Biblia

²⁶ Saray bindision a trigo tan saray rosas, Saray bindision a dagdagan iran palandey, Saray makapalikliket a bengatlan manlalapud andi-anggaan iran pokdul. Mansiansia komun ira yan bindision ed olo nen Jose, Diad muling na samay nibiig nen saman ed saray agagi ton lalaki.

Genesis 49:26 Referans Kwoze

Habacuc 3:6

No sikatoy ontonda, nayegyeg so mundo; diad ilinggis to onggiwgiw iray bansa. Abuybuyak iray andi-anggaan a kapalandeyan; linmereg iray ag manganggan kapokdulan, saray kapokdulan a nanaakaran to ra nen saman.

Jonas 2:6

Linma ak ed kaoteotelan da ray kapalandeyan, diad dalin ya angga lad anggan akasara iray puirta to. Balet sika, Katawan a Dios, et inagwat mo ak a mabilay manlapud kaaralman.

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Isaias 54:10

Nayarin nakusbo ray kapalandeyan tan saray kapokdulan, balet ag manganggay panangarok ed sika; Ando lan andon sumpalen koy sipan kon mangiter na kareenan.” Saya sirin so ibabaga na Katawan a mangaarod sika.

Saray Salmo 132:18

Tabunan ko na kababaingan iray kalaban to, balet onaligwas so nanarian to.”

Saray Salmo 89:36

Nawalaan lawas na saray kabyangay boleg to, tan daput onsisinag so agew asikasoen koy nanarian to.

Saray Bilang 6:2

ya iter to ray onggendan a bilin ed saray totood Israel. Siopamay laki odino bii a manggawa na nidoma-doman sipan a magmaliw a sakey a Nazareo tan isaklang toy sikaton dili ed Katawan,

Genesis 37:28

Nen onlalabas iray komirsiantin Madianita, inagwat na saramay sanaagi si Jose, insan da inlakoy duamplon kuartan pilak ed saray Ismaelita; inawit da sirin si Jose ed Egipto.

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

Saray Gawgawa 7:9

“Saray anak nen Jacob angimonan day Jose, kanyan inlako ra a paaripen ed Egipto. Balet walad sikatoy Dios,

Genesis 37:8

“Anto? Abaloan mo sirin manari kad sikami?” tepet na saray agagi to. Kanyan lalon binosul da, lapud saray imbagbaga ton nipaakar ed kogip to.

Genesis 49:27

“Si Benjamin et singa sakey a maruksan asod katakelan. Agew-labin mamangakan na napapatey to.”